Iran इराण ‘अणवस्त्र’ बनवणार! इस्रायलशी युद्ध सुरू असताना मोठी प्लॅनिंग

गेल्या आठवड्यात इराणने म्हटले होते की तेहरान अणुबॉम्ब बनवण्याच्या मार्गावर आहे

विशेष प्रतिनिधी

नवी दिल्ली – मध्यपूर्वेतील इराण आणि इस्रायलमधील तणाव गेल्या काही दिवसांपासून शिगेला पोहोचला आहे. इराणच्या परराष्ट्र मंत्रालयाने सोमवारी (१६ जून २०२५) सांगितले की इराणची संसद अणु प्रसारबंदीअ करार (NPT) मधून बाहेर पडण्यासाठी एक विधेयक तयार करत आहे. तथापि, इराणच्या परराष्ट्र मंत्रालयाचे प्रवक्ते इस्माईल बागाई म्हणाले की आम्ही अणुशस्त्रे बनवण्याच्या बाजूने नाही.

रॉयटर्सच्या वृत्तानुसार, NPT मधून बाहेर पडण्याबाबत इराणी संसदेने अद्याप कोणताही निर्णय घेतलेला नाही, तर एका खासदाराने सांगितले की हा प्रस्ताव कायदेशीर प्रक्रियेच्या सुरुवातीच्या टप्प्यात आहे.

गेल्या आठवड्यात इराणने म्हटले होते की तेहरान अणुबॉम्ब बनवण्याच्या मार्गावर आहे. इराणने नेहमीच म्हटले आहे की त्यांचा अणुकार्यक्रम शांततापूर्ण आहे. तर आंतरराष्ट्रीय अणुऊर्जा संस्थेने (IAEA) गेल्या आठवड्यात जाहीर केले की तेहरान त्यांच्या NPT दायित्वांचे उल्लंघन करत आहे.

• Devendra Fadnavis : पैसा नाही तर माणूस हेच आज खरे भांडवल, मुख्यमंत्री देवेंद्र फडणवीस यांचे प्रतिपादन

NPT म्हणजे काय?

अण्वस्त्र प्रसारबंदी करार (एनपीटी) हा अण्वस्त्रे आणि संबंधित तंत्रज्ञानाचा प्रसार रोखण्यासाठी, अण्वस्त्रांच्या शांततापूर्ण वापरासाठी आणि इतर उद्दिष्टांमध्ये सहकार्याला प्रोत्साहन देण्यासाठी एक आंतरराष्ट्रीय करार आहे.

इस्रायलचा इराणला इशारा

इस्रायल आणि इराणमधील वाढत्या हल्ल्यांमुळे या प्रदेशात युद्धाची भीती वाढली आहे अशा वेळी हे पाऊल उचलले जात आहे. इस्रायलने इराणी शस्त्रास्त्र प्रतिष्ठानांजवळ राहणाऱ्या लोकांना त्यांची ठिकाणं रिकामी करण्याचा इशारा दिला आहे.

Iran to build nuclear weapons Big planning while war with Israel is underway

महत्वाच्या बातम्या

• NIA raids राजस्थान, मध्य प्रदेशातील दहशतवादी संघटनेच्या ठिकाणांवर एनआयएने छापेमारी
• Chirag Paswan : चिराग पासवान बिहार विधासभा निवडणूक स्वबळावर निवडणूक लढवणार?
• Vijay Rupani : विजय रुपानींचा DNA जुळला; जाणून घ्या, अंतिम संस्कार कधी अन् कुठे होणार?
• वयाच्या मुद्द्यावर अजितदादांची चंद्रराव तावरेंवर टीका; पण आधी त्यांनीच काढल्या होत्या चंद्ररावांच्या नाकदुऱ्या!!