वृत्तसंस्था
डब्लिन : आयर्लंडची राजधानी डब्लिनमध्ये गुरुवारी (23 नोव्हेंबर) दुपारी एका शाळेबाहेर सुमारे 5 जणांवर चाकूने हल्ला करण्यात आला. यामध्ये 5 वर्षांच्या मुलासह एक महिला गंभीर जखमी झाली आहे. आयरिश टाइम्सच्या वृत्तानुसार या हल्ल्यात तीन नवजातही जखमी झाले आहेत. हल्ल्यानंतर डब्लिनमध्ये दंगल उसळली.Indigenous vs. Foreign conflict outbreaks in Ireland; Riot broke out after 5 persons including children were stabbed
आयरिश पोलिसांनी एका संशयिताला ताब्यात घेतले आहे. सध्या हल्ल्याचे कारण स्पष्ट झालेले नाही. हीदेखील दहशतवादी घटना असू शकते, असा संशय पोलिसांना आहे. आयरिश टाईम्सच्या वृत्तानुसार, हल्ल्यानंतर काही लोक पारनेल स्क्वेअरमध्ये एका गटात जमले आणि त्यांनी स्थलांतरितांच्या विरोधात घोषणाबाजी सुरू केली. यानंतर आंदोलकांनी पोलिसांशी झटापट करून त्यांची वाहने पेटवून दिली.
हल्ल्यानंतर निदर्शने, लोकांना घरीच राहण्याचा सल्ला
शहरात अनेक ठिकाणी तोडफोड, जाळपोळ, चोरीच्या घटना घडल्या आहेत. पोलिसांशी झालेल्या चकमकीत काही जण जखमीही झाले आहेत. डब्लिन पोलिसांच्या मते, शहरात होत असलेल्या हिंसाचारामागे उजव्या विचारसरणीच्या घटकांचा हात आहे. त्यांचा एक गट हे हल्ले करत आहे.
काही आंदोलकांनी स्थलांतरित समुदायाजवळ आयरिश झेंडे आणि ‘आयरिश लाइव्ह्स मॅटर’ असे फलक लावले. डब्लिनमध्ये सार्वजनिक वाहतुकीवर बंदी घालण्यात आली आहे. संपूर्ण शहरातील रुग्णांना अत्यंत आवश्यक असल्याशिवाय रुग्णालयात न जाण्याचा सल्ला देण्यात आला आहे. शहरातील कायदा व सुव्यवस्था पूर्ववत करण्यासाठी 400 पोलीस तैनात करण्यात आले आहेत. सध्या शहरातील हल्ले थांबले आहेत.
शाळेसमोर झालेल्या हल्ल्यानंतर आयर्लंडमधील काही लोक स्थलांतरितांच्या विरोधात निदर्शने करत आहेत. या हल्ल्यामागे परप्रांतीयांचा हात असल्याचा त्यांचा आरोप आहे. राजधानी डब्लिनमध्ये डॅनियल ओ’कॉनेल यांच्या पुतळ्यासमोर डबल डेकर बस पेटवण्यात आली. बीबीसीने दिलेल्या माहितीनुसार, हिंसाचाराच्या वेळी पोलिसांनी अनेकांना ताब्यातही घेतले.
न्यूयॉर्क टाइम्सच्या मते, दंगलीदरम्यान, काही उजव्या विचारसरणीच्या लोकांनी हल्लेखोराच्या ओळखीबद्दल सोशल मीडियावर अफवा पसरवण्याचा प्रयत्न केला. वृत्तसंस्था एएफपीशी बोलताना एका आंदोलकाने सांगितले की, काही दुष्ट लोक आयरिश नागरिकांना लक्ष्य करत आहेत.
या घटनेबाबत आयरिश पंतप्रधान लिओ वराडकर म्हणाले- या हिंसाचाराने मी हैराण झालो आहे. परिस्थिती नियंत्रणात आणण्यासाठी आपत्कालीन सेवा तातडीने कार्यान्वित करण्यात आल्या. पोलिसांनी एका संशयिताला ताब्यात घेतले आहे. सध्या तपास सुरू आहे.
आयर्लंडची लोकसंख्या 53 लाख आहे. येथील स्थलांतरितांची संख्या 12 महिन्यांतील दुसऱ्या क्रमांकावर पोहोचली आहे. रशिया-युक्रेन युद्ध सुरू झाल्यापासून सुमारे 1 लाख स्थलांतरित युक्रेनियन येथे आले आहेत. न्याय मंत्री हेलन मॅकएंटी म्हणाले की, गुंड आणि गुन्हेगारांचा एक गट असे हल्ले करून लोकांमध्ये फूट पाडण्याचा प्रयत्न करत आहे. आयर्लंडमध्ये या प्रकारचा हिंसाचार स्वीकारला जाणार नाही.
Indigenous vs. Foreign conflict outbreaks in Ireland; Riot broke out after 5 persons including children were stabbed
महत्वाच्या बातम्या
- इस्रायली ओलीसांच्या सुटकेवर अमेरिकेचे अध्यक्ष जो बायडेन यांनी दिली प्रतिक्रिया, म्हणाले…
- इस्त्रायल अन् हमासमध्ये 49 दिवसांच्या युद्धानंतर, 4 दिवसांचा युद्धविराम!
- Rajasthan Election 2023 : जोधपूर जिल्हा प्रशासनाने मतदारांसाठी छापली लग्नपत्रिकेसारखी निमंत्रण पत्रिका!
- पुढच्या 23 दिवसांत 35 लाख शुभमंगल सावधान; 4.25 लाख कोटींची उलाढाल!!