विशेष प्रतिनिधी
तेहरान : इराणच्या दक्षिणेकडील प्रांतात असलेल्या केरमान शहरातील माजी जनरल कासिम सुलेमानी यांच्या कबरीवर झालेल्या दुहेरी बॉम्बस्फोटाने पुन्हा एकदा इराणच्या जखमा ताज्या केल्या आहेत. चार वर्षांपूर्वी याच दिवशी अमेरिकेने बगदादमध्ये ड्रोन हल्ल्यात सुलेमानीला ठार केले होते. सुलेमानी हा अमेरिकेच्या नजरेत दहशतवादी होता आणि हमास-हिजबुल्लासारख्या दहशतवादी संघटनांच्या नजरेत हिरो. तत्कालीन राष्ट्राध्यक्ष डोनाल्ड ट्रम्प यांचे वकील आणि सिनेटर एलिझाबेथ यांच्यासह अनेक अमेरिकन अधिकार्‍यांची हत्या केल्यावर सुलेमानी अमेरिकेच्या नजरेत आला होता.Hamas-Hezbolla Idol Iranian General Qassem Soleimani grave was bombed and killed 103
कासिम सुलेमानी हा त्याच्या काळात इराणमधील सर्वात शक्तिशाली लोकांपैकी एक मानला जात होता. लोक त्याला इराणचे सर्वोच्च नेते अयातुल्ला खोमेनी यांच्यानंतर देशातील दुसरा सर्वात मोठा नेता मानायचे. त्याच्या हत्येच्या स्मृतिदिनी, शेकडो लोक केरमान शहरातील साहेब अल-जमान मशिदीजवळील कबरीवर श्रद्धांजली वाहण्यासाठी आले होते. हा सोहळा सुरू असतानाच अचानक मोठा स्फोट झाला. 10 मिनिटांनंतर दुसरा स्फोट झाला. मिळालेल्या माहितीनुसार या हल्ल्यात आतापर्यंत 103 जणांचा मृत्यू झाला असून 141 जण जखमी झाले आहेत. इराणने हा हल्ला दहशतवादी हल्ला असल्याचे म्हटले आहे. यानंतर इराणने आपल्या सैन्याला सज्ज राहण्याचे आदेश दिले आहेत.
सुलेमानी हा अमेरिकेसाठी दहशतवादी होता
सुलेमानीने इराणी रिव्होल्युशनरी गार्ड्स कॉर्प्स (IRGC) मध्ये अल-कुद्स फोर्सचे नेतृत्व केले. ही तीच फोर्स आहे ज्याला अमेरिकेने परदेशी दहशतवादी संघटना घोषित केले होते. 3 जानेवारी 2020 रोजी, अमेरिकेने बगदादच्या आंतरराष्ट्रीय विमानतळावर IRGC कमांडर कासिम सुलेमानीला ड्रोन हल्ल्यात ठार केले. सुलेमानीने ट्रम्प यांचे वकील रुडी जिउलियानी आणि सिनेटर एलिझाबेथ वॉरन यांच्यासह अमेरिकन सरकारी अधिकाऱ्यांची हत्या केल्याचे मानले जाते. तेव्हापासून तो अमेरिकेच्या डोळ्यात खुपत होता. यासाठी ट्रम्प यांनी अमेरिकन लष्कराला विशेष ऑपरेशन सोपवले होते. त्यानंतर सुलेमानीच्या हत्येवर ट्रम्प म्हणाले होते की, ‘युद्ध थांबवण्यासाठी’ ही कारवाई करण्यात आली आहे. दुसरीकडे, संयुक्त राष्ट्रात इराणने या पावलाची तुलना ‘युद्ध सुरू करण्या’शी केली.
हमास आणि हिजबुल्लाचा हिरो
सुलेमानी हा इराणमध्ये अत्यंत आदरणीय नेता म्हणून ओळखला जात होते. हमास आणि हिजबुल्ला या दहशतवादी संघटनांना मदत केल्याचा आरोपही त्याच्यावर होता. कासिम सुलेमानी विशेषत: कुर्दिश सैन्याच्या गुप्त मोहिमांचे नेतृत्व करत असे. हमास आणि हिजबुल्लासह इतर दहशतवादी संघटना, सरकार आणि सशस्त्र गटांना निधी पुरवठा, शस्त्रे, गुप्तचर सहाय्य आणि मार्गदर्शन प्रदान करण्यासाठी देखील तो जबाबदार होता. 2019 मध्ये अमेरिकेचे तत्कालीन अध्यक्ष ट्रम्प यांनी इराणने आण्विक करार मोडल्यास त्याचा विनाश केला जाईल, अशी धमकी दिली होती. यावर सुलेमानीने ट्रम्प यांना आव्हान दिले होते आणि म्हटले होते की, जर अमेरिकेने युद्ध सुरू केले तर ते आम्ही संपवू.
बॉम्बस्फोटानंतर इराण आणि अमेरिका यांच्यात तणाव
कासिम सुलेमानी यांच्या हत्येच्या स्मृतिदिनानिमित्त केरमान शहरात झालेल्या दोन बॉम्बस्फोटांनी इराण हादरला आहे. या हल्ल्याची प्रत्यक्ष जबाबदारी अद्याप कोणीही घेतली नसली तरी या हल्ल्यानंतर अमेरिका आणि इराणमधील तणाव वाढण्याची भीती निर्माण झाली आहे. दुहेरी स्फोटाचे कारण अद्याप अस्पष्ट आहे तर इराणच्या अधिकाऱ्यांचे म्हणणे आहे की ते “दहशतवादी हल्ल्यांमुळे” झाले. या हल्ल्यांमुळे इराणमधील प्रमुख शहरांमध्ये सुरक्षा वाढवण्यात आली आहे. काही देशांनी शत्रुत्व वाढल्याबद्दल चिंता व्यक्त केली आहे. हमास आणि इस्रायलमध्ये सुरू असलेल्या युद्धात इराणने हमासला दिलेला पाठिंबा हे यामागचे मुख्य कारणही संरक्षण तज्ज्ञ जोडत असल्याचे सूत्रांचे म्हणणे आहे.
Hamas-Hezbolla Idol Iranian General Qassem Soleimani grave was bombed and killed 103
महत्वाच्या बातम्या
- राष्ट्रवादीचे नेते जितेंद्र आव्हाड यांचे वादग्रस्त वक्तव्य, म्हणाले- भगवान श्रीराम शिकार करून मांस खात असत
- 1990 ची 2024 मध्ये रिपीट प्रयोगशाळा; सनातनला शिव्या घाला; स्वतःच्याच मतांना “खोडा” लावा!!
- महुआ मोईत्रा पुन्हा नव्या वादात अडकल्या, माजी प्रियकराची हेरगिरी केल्याचा आरोप
- कर्नाटकी कशिदा त्यांनी काढिला; काँग्रेसची बोट लागली बुडायला!!