Fuel Tanker Blast in Lebanon : उत्तर लेबनॉनमध्ये रविवारी सकाळी इंधन टँकर प्रचंड स्फोट होऊन 28 जणांचा मृत्यू झाला आहे. या दुर्घटनेत डझनभर लोक जखमी झाले आहेत. स्फोट कशामुळे झाला हे अद्याप समजू शकलेले नाही. मात्र, संतप्त जमावाने टँकर मालकाच्या घराला आग लावली आहे. Fuel tanker Blast in Lebanon many people died owner house set on fire
वृत्तसंस्था
बैरुत : उत्तर लेबनॉनमध्ये रविवारी सकाळी इंधन टँकर प्रचंड स्फोट होऊन 28 जणांचा मृत्यू झाला आहे. या दुर्घटनेत डझनभर लोक जखमी झाले आहेत. स्फोट कशामुळे झाला हे अद्याप समजू शकलेले नाही. मात्र, संतप्त जमावाने टँकर मालकाच्या घराला आग लावली आहे.
लेबनॉनच्या रेड क्रॉसला सांगण्यात आले की, तळेईल गावातून त्यांच्या टीमला 20 मृतदेह सापडले आहेत. स्फोटात जखमी आणि जळालेल्या 79 लोकांना बाहेर काढण्यात आले आहे. मात्र, नंतर मृतांची संख्या 28 वर गेली आहे. लेबनॉनचे आरोग्य मंत्री हमाद हसन यांनी उत्तर लेबनॉन आणि राजधानी बैरूतमधील सर्व रुग्णालयांना स्फोटात जखमी झालेल्यांना दाखल करण्यास सांगितले आहे. त्यांच्या उपचाराचा खर्च सरकार उचलणार आहे.
इंधनाची तीव्र कमतरता
तस्करी, साठेबाजी आणि आयात केलेल्या इंधनाच्या सुरक्षित वितरणामध्ये सरकारच्या असमर्थतेमुळे लेबनॉनला तीव्र इंधन टंचाईचा सामना करावा लागत आहे. तळेईल हे गाव सीरियन सीमेपासून चार किलोमीटर अंतरावर आहे आणि टँकरमधील इंधन तस्करीसाठी सिरियाला नेले जात होते की नाही, हे अद्याप स्पष्ट झालेले नाही. खरं तर सिरियातील इंधनाची किंमत लेबनॉनपेक्षा खूप जास्त आहे.
गतवर्षी 214 जणांचा मृत्यू
यापूर्वी 4 ऑगस्ट 2020 रोजी बैरूत बंदरात स्फोट झाला होता. या भीषण दुर्घटनेत तब्बल 214 जणांचा मृत्यू झाला, तर शेकडो लोक जखमी झाले होते. या स्फोटानंतर अवघ्या जगभरात हळहळ व्यक्त करण्यात आली होती. टाकून दिलेल्या केमिकलमुळे एवढा भयंकर स्फोट झाल्याचे तेव्हा सांगण्यात आले होते.
Fuel tanker Blast in Lebanon many people died owner house set on fire
महत्त्वाच्या बातम्या
- रशियाचे राष्ट्राध्यक्ष पुतीन यांनी दिल्या स्वातंत्र्यदिनाचे शुभेच्छा, म्हणाले- आंतरराष्ट्रीय प्रश्न सोडवण्यात भारताची महत्त्वपूर्ण भूमिका
- Lockdown In Maharashtra : ‘तर महाराष्ट्रात पुन्हा लॉकडाऊन’, स्वातंत्र्यदिनी मुख्यमंत्री उद्धव ठाकरेंनी दिला थेट इशारा
- ‘मुख्यमंत्री मरू द्या, माझ्या अजितदादांना आशीर्वाद द्या,’ शासकीय कार्यक्रमात मंत्री दत्‍तामामा भरणेंचे वादग्रस्त वक्तव्य
- हटके शेती : या वृक्षाची 120 रोपे लावा अन् 12 वर्षांत बना कोट्यधीश, जाणून घ्या याचे वैशिष्ट्य आणि का आहे ए़वढी डिमांड?
- ड्रॅगनच्या उचापती : ऑलिम्पिकच्या पदकतालिकेत अमेरिकेला पछाडून चीन बनला नंबर वन, पण कसा? जाणून व्हाल हैराण!