Corona crisis in Germany : जर्मनीच्या आरोग्यमंत्र्यांनी लोकांना इशारा दिला आहे की, कोरोना संसर्ग टाळण्यासाठी त्यांनी लसीकरण करून घ्यावे, अन्यथा हिवाळा संपेपर्यंत त्यांना एकतर संसर्ग होईल किंवा संसर्गामुळे त्यांचा मृत्यू होईल. अनेक युरोपीय देशांनी वाढत्या संसर्गाच्या पार्श्वभूमीवर कडक निर्बंध लागू केले आहेत. आरोग्यमंत्री जॅन्स स्पॅन म्हणाले, “कदाचित या हिवाळ्याच्या अखेरीस, जर्मनीतील प्रत्येकाला लसीकरण केले जाईल, एक तर ते बरे होतील किंवा ते मरतील.” आयसीयूमध्ये खाटा अपुऱ्या पडत आहेत आणि हे पाहता नवीन निर्बंध लागू केले जात आहेत. यामध्ये ख्रिसमस मार्केटही बंद करण्याचा समावेश आहे. Corona crisis in Germany again Market closed Ahead Of Christmas, Health Minister appeals to citizens for vaccination
वृत्तसंस्था
बर्लिन : जर्मनीच्या आरोग्यमंत्र्यांनी लोकांना इशारा दिला आहे की, कोरोना संसर्ग टाळण्यासाठी त्यांनी लसीकरण करून घ्यावे, अन्यथा हिवाळा संपेपर्यंत त्यांना एकतर संसर्ग होईल किंवा संसर्गामुळे त्यांचा मृत्यू होईल. अनेक युरोपीय देशांनी वाढत्या संसर्गाच्या पार्श्वभूमीवर कडक निर्बंध लागू केले आहेत. आरोग्यमंत्री जॅन्स स्पॅन म्हणाले, “कदाचित या हिवाळ्याच्या अखेरीस, जर्मनीतील प्रत्येकाला लसीकरण केले जाईल, एक तर ते बरे होतील किंवा ते मरतील.” आयसीयूमध्ये खाटा अपुऱ्या पडत आहेत आणि हे पाहता नवीन निर्बंध लागू केले जात आहेत. यामध्ये ख्रिसमस मार्केटही बंद करण्याचा समावेश आहे.
देशातील ज्या भागात रुग्णालयात दाखल होण्याचे प्रमाण जास्त आहे, तेथे लसीकरणाशिवाय सिनेमा हॉल, जिम आणि इनडोअर डायनिंग यासारख्या सार्वजनिक ठिकाणी बंदी घालण्यात येणार आहे. जर्मनीच्या चांसलर अँजेला मर्केल यांनी इशारा दिलाय की जर्मनीच्या सध्याच्या कोविड निर्बंधांमध्ये काही सार्वजनिक ठिकाणी लसीकरण न केलेल्या लोकांना प्रतिबंधित करणे समाविष्ट आहे. हेही पुरेसे नाही. कंझर्व्हेटिव्ह पक्षाच्या नेत्यांशी बोलताना मर्केल म्हणाल्या, येथील परिस्थिती खूपच नाट्यमय आहे, कारण दर 12 दिवसांनी नवीन कोरोना संसर्गाची प्रकरणे दुप्पट होत आहेत. त्यामुळे आरोग्य अधिकारी चांगलेच चिंतेत आहेत.
सोमवारी जर्मनीमध्ये 30,643 नवीन रुग्णांची नोंद झाली. अशा प्रकारे, देशातील एकूण संक्रमित लोकांची संख्या 53 लाखांच्या पुढे गेली आहे. आरोग्यमंत्री म्हणाले, आतापर्यंत एक लाख लोकांचा कोरोनामुळे मृत्यू झाला आहे. गेल्या 24 तासांत 62 जणांचा मृत्यू झाला आहे. ते म्हणाले की, आमच्याकडे अनेक रुग्णालयांमध्ये अतिशय कठीण परिस्थिती आहे. दुसरीकडे, युरोपमध्ये कोरोनाची प्रकरणे सातत्याने वाढत आहेत. त्यामुळे अनेक देशांमध्ये लॉकडाऊन लागू करावा लागला आहे. त्याचबरोबर लॉकडाऊनविरोधात लोकांचा निदर्शनेही पाहायला मिळत आहे.
Corona crisis in Germany again Market closed Ahead Of Christmas, Health Minister appeals to citizens for vaccination
महत्त्वाच्या बातम्या
- ‘माझ्याकडे नवाब मलिक आणि दाऊदच्या संबंधांचे पुरावे’, समीर वानखेडे यांच्या पत्नीच्या चॅट्स मलिकांकडून शेअर, क्रांती रेडकर यांनी दिले स्पष्टीकरण
- टीम इंडियाच्या डाएट प्लॅनवरून वाद, हलाल मीट अनिवार्य करण्यावरून नेटकऱ्यांचा बीसीसीआयवर संताप
- मोठी बातमी : इंधनाचे दर कमी करण्यासाठी भारताची आपल्या स्ट्रॅटेजिक रिझर्व्हमधून कच्चे तेल सोडण्याची तयारी
- खासदार असदुद्दीन ओवेसी यांना सोलापूर वाहतूक पोलिसांनी केला २०० रुपयांचा दंड ; जाणून घ्या नेमक काय आहे कारण
- 26 /11 च्या हल्ल्यानंतर यूपीए सरकारच्या प्रतिकारात कमजोरी दिसली; काँग्रेसचे खासदार मनीष तिवारी यांचा हल्लाबोल