• Download App
    तुर्कीतील कोळसा खाणीत मोठा स्फोट : 22 जण ठार, अनेक जण अडकल्याची भीती, बचाव कार्य सुरू|Coal mine explosion in Turkey: 22 dead, many feared trapped, rescue operation underway

    तुर्कीतील कोळसा खाणीत मोठा स्फोट : 22 जण ठार, अनेक जण अडकल्याची भीती, बचाव कार्य सुरू

    वृत्तसंस्था

    अंकारा : उत्तर तुर्कीतील कोळसा खाणीत स्फोट झाल्याची बातमी समोर आली आहे. या स्फोटात 22 जणांचा मृत्यू झाल्याची माहिती आहे. यामध्ये डझनभर लोक जखमी झाले आहेत. मीडिया रिपोर्ट्सनुसार, तुर्कीच्या आरोग्यमंत्र्यांनी सांगितले की, उत्तर तुर्कीमधील कोळशाच्या खाणीत झालेल्या स्फोटात किमान 22 जणांचा मृत्यू झाला आहे. ते म्हणाले की, बचाव पथक खाणीत अडकलेल्या डझनभर लोकांना बाहेर काढण्याचा प्रयत्न करत आहेत.Coal mine explosion in Turkey: 22 dead, many feared trapped, rescue operation underway



    कुठे झाला स्फोट?

    बार्टिनच्या काळ्या समुद्र किनारी प्रांतातील अमासरा शहरातील सरकारी टीटीके अमासरा मुसेसे मुदुरलुगु खाणीत शुक्रवारी हा स्फोट झाला. ऊर्जा मंत्री फातिह डोनमेझ यांनी सांगितले की, प्राथमिक अंदाजानुसार हा स्फोट फायरॅम्पमुळे झाला असावा.

    ‘स्फोटाच्या वेळी खाणीत होते 110 जण’

    बचाव कार्याचे समन्वय साधण्यासाठी अमासरा येथे गेलेले गृहमंत्री सुलेमान सोयलू यांनी सांगितले की, स्फोटाच्या वेळी खाणीत 110 लोक उपस्थित होते. मंत्र्यांनी सांगितले की, स्फोटानंतर बहुतेक कामगार पळून जाण्यात यशस्वी झाले होते, परंतु 49 लोक अतिजोखमीच्या भागात अडकले होते. सुलेमान सोयलू यांनी अद्याप आत अडकलेल्या लोकांची संख्या दिलेली नाही. मात्र, 49 पैकी काहींना सुखरूप बाहेर काढण्यात आल्याचे त्यांनी सांगितले.

    राष्ट्रपती खाणीला भेट देणार

    या स्फोटात 22 जणांचा मृत्यू झाल्याची माहिती आरोग्य मंत्री फहरेटिन कोका यांनी ट्विटरवर दिली. खाणीमुळे किती लोक जखमी झाले हे त्यांनी सांगितले नाही, मात्र आठ जणांची प्रकृती गंभीर असल्याचे सांगितले. तुर्कस्तानची आपत्ती व्यवस्थापन एजन्सी एएफएडीने सांगितले की, शेजारील प्रांतांसह अनेक बचाव पथके या भागात पाठवण्यात आली आहेत. यासह तुर्कीचे अध्यक्ष रेसेप तय्यप एर्दोगन शनिवारी अपघातस्थळी पोहोचतील.

    Coal mine explosion in Turkey: 22 dead, many feared trapped, rescue operation underway

    महत्वाच्या बातम्या

    Related posts

    American Pope : नवीन पोपची घोषणा झाली, रॉबर्ट प्रीव्होस्ट सर्वात मोठे ख्रिश्चन धर्मगुरू, पहिले अमेरिकी पोप

    Pakistan PM : ऑपरेशन सिंदूरनंतर पाक पंतप्रधानांचा जळफळाट- आम्ही बदला घेऊ; संसदेत 5 भारतीय विमाने पाडल्याचा दावा

    Donald Trump : ट्रम्प यांनी UNची 19 हजार कोटींची मदत रोखली; 3000 कर्मचाऱ्यांना काढून टाकण्याची योजना