वृत्तसंस्था
बालाघाट : Balaghat Naxalites बालाघाटमध्ये पोलिसांनी चकमकीत तीन महिलांसह चार नक्षलवाद्यांना ठार केले. शनिवारी दुपारी बिथली पोलिस चौकी परिसरातील पचामा दादरच्या जंगलात ही चकमक झाली.Balaghat Naxalites
हॉक फोर्स आणि जिल्हा पोलिसांच्या संयुक्त कारवाईत हे यश मिळाले. एसपी आदित्य मिश्रा यांनी चकमकीला दुजोरा दिला आहे. त्यांनी सांगितले की, ही कारवाई अजूनही सुरू आहे. पोलिस सूत्रांनी दिलेल्या माहितीनुसार, ठार झालेल्या नक्षलवाद्यांची संख्या वाढू शकते.
पचामा दादरच्या जंगलात नक्षलवाद्यांच्या उपस्थितीची माहिती पोलिसांना मिळाली होती. त्यानंतर येथे फोर्स पाठवण्यात आली. चकमकीत ठार झालेल्या तीन महिला नक्षलवाद्यांचे मृतदेह सापडले आहेत.
मुख्यमंत्री म्हणाले- पोलिसांना बक्षीस देणार
मुख्यमंत्री डॉ. मोहन यादव म्हणाले की, आज बालाघाटमध्ये झालेल्या चकमकीत ४ नक्षलवादी ठार झाले आहेत. यामध्ये ३ महिला आणि १ पुरूषाचा समावेश आहे. त्यांच्याकडून अनेक शस्त्रे आणि दारूगोळा जप्त करण्यात आला आहे. या घटनेत चांगले परिणाम दाखवणाऱ्या पोलिसांना राज्य सरकार निश्चितच बक्षीस देईल.
फेब्रुवारीमध्ये ४ महिला नक्षलवाद्यांची हत्या
याआधी १९ फेब्रुवारी रोजी बालाघाट पोलिसांना मोठे यश मिळाले होते. कान्हाच्या सूपखार वनक्षेत्रातील रौंडा फॉरेस्ट कॅम्पजवळ झालेल्या चकमकीत ४ महिला नक्षलवाद्यांचा खात्मा करण्यात आला होता. यामध्ये आशा, शीला, रंजिता आणि लख्खे मरावी यांचा समावेश होता. त्यांच्यावर एकूण ६२ लाख रुपयांचे बक्षीस होते. ते २०१५-१६ पासून नक्षलवादी कारवायांमध्ये सक्रिय होते.
बालाघाट जिल्हा गेल्या दोन दशकांपासून नक्षलवाद्यांच्या समस्येशी झुंजत आहे. तथापि, गेल्या काही वर्षांत पोलिसांनी नक्षलवाद्यांवर प्रभावी कारवाई केली आहे.
Balaghat Naxalites Encounter: Women Killed, Casualties Rise
महत्वाच्या बातम्या
- Chief Minister Sarma : …अन् संतप्त मुख्यमंत्री सरमांनी दिले दिसताच गोळ्या घालण्याचे आदेश!
- Vijay Rupani : विजय रुपाणी यांचा लकी नंबर १२०६चा त्यांच्या मृत्यूशी कसा आला संबंध?
- That last selfie : विमानातला तो शेवटचा सेल्फी! डॉक्टर दाम्पत्य तीन मुलांसह सुरू करणार होते नवीन आयुष्य, पण…
- MP Chandrashekhar Azad : ‘..तर मीही अपघाताचा बळी ठरलो असतो’ ; चंद्रशेखर आझाद यांनी ‘सीट 11A’ उल्लेख करत केलं विधान