वृत्तसंस्था
वॉशिंग्टन : जेव्हापासून मानवाने चंद्राबद्दल शोध सुरू केला, तेव्हापासून पहिल्यांदाच एक महिला चंद्राजवळ पोहोचणार आहे. मानवाने चंद्रावर पाऊल ठेवल्याच्या 50 वर्षांनंतर नासाने पुन्हा एकदा चांद्र मोहिमेची घोषणा केली आहे. यावेळी चार अंतराळवीरांमध्ये क्रिस्टिना हॅमॉक कोच यांचाही समावेश आहे. याशिवाय व्हिक्टर ग्लोव्हर हा पहिला कृष्णवर्णीय अंतराळवीरही क्रूमध्ये सामील असेल.After nearly 50 years, NASA’s lunar mission will be the first time a female astronaut will reach the moon
मिळालेल्या माहितीनुसार, नासा 2025 च्या सुरुवातीला हे मिशन सुरू करू शकते. अंतराळवीरांमध्ये रीड विझमन आणि जेरेमी हॅन्सन यांचाही समावेश आहे.
आतापर्यंत केवळ पुरुष अंतराळवीर चंद्राच्या कक्षेत किंवा पृष्ठभागावर पोहोचले आहेत. महिला अंतराळवीरही चंद्राच्या कक्षेत पोहोचणार असल्याचे प्रथमच घडत आहे. हे मिशन सुमारे 10 दिवसांचे असेल. यादरम्यान सर्व अंतराळवीर चंद्राभोवती फिरतील. ते चंद्राच्या पृष्ठभागावर उतरणार नाहीत.
या मिशनबद्दल प्रशिक्षक म्हणाले, ‘ही आमच्यासाठी अभिमानाची बाब आहे. मला वाटते की, मिशन अद्भुत आहे. आम्ही जगातील सर्वात शक्तिशाली रॉकेटने उड्डाण करणार आहोत. प्रथम ते हजारो मैलांच्या उंचीवर जाईल आणि सर्व सिस्टिम्स चेक केल्या जातील. यानंतर ते चंद्राकडे रवाना होईल. नासाने यापूर्वी 1972 मध्ये अपोलो मोहीम सुरू केली होती. यानंतर पुन्हा एकही मानव चंद्रावर उतरला नाही.
क्रिस्टिना कोच 2013 मध्ये नासामध्ये रुजू झाल्या. त्या ISS वर फ्लाइट इंजिनियर होत्या. त्यांनी आतापर्यंत 328 दिवस अंतराळात घालवले आहेत. तर, जेरेमी हॅन्सन कॅनडाचे रहिवासी आहेत आणि 47 वर्षांचे आहेत. ते फायटर पायलट राहिले आहेत. त्याच वेळी, रीड विजमन हे अमेरिकन नौदलात पायलट म्हणून कार्यरत आहेत. याशिवाय त्यांनी नासासोबतही काम केले आहे.
After nearly 50 years, NASA’s lunar mission will be the first time a female astronaut will reach the moon
महत्वाच्या बातम्या
- ‘’…तर राहुल गांधींच्या फोटोला चपला मारण्याचं काम उद्धव ठाकरे तुम्ही आणि तुमच्या सेनेने केलं असतं’’ देवेंद्र फडणवीसांनी लगावला टोला!
- ”सावरकरांनी ११ वर्षे काळ्यापाण्याची शिक्षा भोगली आणि हे हरामखोर…” देवेंद्र फडणवीसांचे काँग्रेसवर टीकास्त्
- COVID -19 करोनाच्या वाढत्या संसर्गाच्या पार्श्वभूमीवर हरियाणा सरकारने घेतला मोठा निर्णय!
- ”सावरकरांनी ११ वर्षे काळ्यापाण्याची शिक्षा भोगली आणि हे हरामखोर…” देवेंद्र फडणवीसांचे काँग्रेसवर टीकास्त्र!