Afghanistan President Ashraf Ghani : तालिबानने सत्ता हस्तगत केल्यावर अफगाणिस्तानचे अध्यक्ष अशरफ घनी यांनी देशातून पळ काढला. राजधानी काबूल येथून विशेष रशियन विमानाने घनी ताजिकिस्तानची राजधानी दुशान्बे येथे पोहोचले. पण ताजिकिस्तान सरकारने त्यांना उतरण्याची परवानगी दिली नाही. यानंतर अफगाणिस्तानचे अध्यक्ष आखाताकडे वळले. अशरफ घनी आपले कुटुंबीय आणि 51 लोकांसह यूएईला पोहोचले. यूएई सरकारने ते देशात असल्याच्या वृत्ताला दुजोरा दिला असून म्हटले की, त्यांना माणुसकीच्या आधारावर देशात आश्रय देण्यात आला आहे. Afghanistan President Ashraf Ghani Left Kabul with family and Mohammad Nabi for UAE
विशेष प्रतिनिधी
काबूल : तालिबानने सत्ता हस्तगत केल्यावर अफगाणिस्तानचे अध्यक्ष अशरफ घनी यांनी देशातून पळ काढला. राजधानी काबूल येथून विशेष रशियन विमानाने घनी ताजिकिस्तानची राजधानी दुशान्बे येथे पोहोचले. पण ताजिकिस्तान सरकारने त्यांना उतरण्याची परवानगी दिली नाही. यानंतर अफगाणिस्तानचे अध्यक्ष आखाताकडे वळले. अशरफ घनी आपले कुटुंबीय आणि 51 लोकांसह यूएईला पोहोचले. यूएई सरकारने ते देशात असल्याच्या वृत्ताला दुजोरा दिला असून म्हटले की, त्यांना माणुसकीच्या आधारावर देशात आश्रय देण्यात आला आहे.
स्टार क्रिकेटपटू मो. नबीसुद्धा घनींसोबत पळाला
अशरफ घनी यांच्यासह त्यांचे संपूर्ण कुटुंब, अफगाणिस्तानचे एनएसए मोहिब आणि अफगाणिस्तान संघाचा स्टार क्रिकेटर मोहम्मद नबीदेखील यूएईला पोहोचले आहेत. गनीच्या कुटुंबातील सदस्यांमध्ये त्यांची पत्नी रुला एफ सद्दाह घनी, त्यांची मुलगी मरियम आणि मुलगा तारिक घनी यांचा समावेश असल्याचे वृत्त आहे. एकूण 51 जण विशेष विमानाने यूएईला पोहोचले. त्याच वेळी घनींवर आरोप आहेत की, ते त्यांच्याबरोबर 169 दशलक्ष डॉलर (सुमारे 1250 कोटी रुपये) घेऊन पळून गेले आहेत. तालिबान सत्तेत परत आल्यापासून आपल्या जिवाला धोका असल्याचे घनी यांनी आधीच सांगितले होते.
अशरफ घनींनी सांगितले देश सोडण्याचे कारण
घनी यांनी बुधवारी रात्री उशिरा आपल्या फेसबुक पेजवर एक व्हिडिओ पोस्ट केला. यामुळे ते संयुक्त अरब अमिराती (यूएई) मध्ये असल्याची खात्री पटली. अशरफ घनी यांनी काबूल सोडून पळून जाण्याच्या त्यांच्या निर्णयाचा बचाव केला. रक्तपात थांबवण्याचा हा एकमेव मार्ग असल्याचे त्यांनी सांगितले. त्याच वेळी त्यांनी ताजिकिस्तानमधील अफगाणिस्तानच्या राजदूताच्या खजिन्यातून 169 दशलक्ष डॉलर्स चोरल्याचा आरोप फेटाळण्याचा अप्रत्यक्ष प्रयत्न केला.
Afghanistan President Ashraf Ghani Left Kabul with family and Mohammad Nabi for UAE
महत्त्वाच्या बातम्या
- तालिबान्यांपासून माझ्या मुलीला वाचवा, अफगाणिस्तानात अडकलेल्या केरळमधील आईची सरकारला आर्त विनवणी, मुलीने इसिससाठी सोडला होता देश
- PF Fraud : मुंबईत पीएफच्या नावावर एक कोटी रुपयांपेक्षा जास्त रकमेची फसवणूक, पोलिसांकडून गुन्हा दाखल
- वादग्रस्त : शायर मुनव्वर राणा पुन्हा बरळले, म्हणाले- भारतात तालिबानपेक्षा जास्त क्रौर्य, त्यांना काय घाबरायचं!
- गुजरात काँग्रेसच्या दोन महिला नेत्यांमध्ये भररस्त्यात हमरीतुमरी, हाणामारीचे फोटो व्हायरल
- जल जीवन मिशन : एन्सेफलायटीस हॉट स्पॉटमधील १ कोटी घरांना नळाद्वारे पाणी पुरवठा, ५ राज्यांतील ६१ जिल्ह्यांत दिलासादायक चित्र