विशेष प्रतिनिधी
चेन्नई : तमिळनाडूच्या तंजावरमधून एक हृदयद्रावक घटना समोर आली आहे. येथील एका मंदिरात उत्सवादरम्यान विजेचा धक्का लागून 11 जणांचा मृत्यू झाला. मंदिरातून निघणाऱ्या रथयात्रेदरम्यान ही घटना घडल्याचे पोलिसांचे म्हणणे आहे. या घटनेत अनेक जण जखमी झाल्याचेही समोर आले आहे. 11 killed in lightning strike in Tamil Nadu
तंजावर पोलिसांनी दिलेल्या माहितीनुसार, ही घटना कालीमेडू येथील अप्पर मंदिरात घडली. रथयात्रा मंदिरातून निघून गेल्यावर ती वळणावर होती. वर लावलेल्या तारांच्या जाळ्यामुळे रथ पुढे नेता येत नव्हता. मात्र, रथ उलटताच हाय टेन्शन लाईनशी संपर्क साधला आणि संपूर्ण रथात विद्युत प्रवाह पसरला. या घटनेत काही मुलांना जीवही गमवावा लागल्याची माहिती आहे.
या घटनेत तीन जण गंभीर जखमी झाले असून त्यांना तंजावर येथील वैद्यकीय महाविद्यालयात दाखल करण्यात आले आहे. सेंट्रल झोनचे आयजी, पोलीस महासंचालक व्ही बालकृष्णन आणि तंजावरचे एसपी रावली प्रिया जखमींना पाहण्यासाठी रुग्णालयात पोहोचले. समोर आलेल्या अपघाताच्या छायाचित्रांमध्ये रथ पूर्णपणे जळताना दिसत आहे.
तामिळनाडूचे मुख्यमंत्री एम के स्टॅलिन यांच्या कार्यालयाने या घटनेच्या चौकशीचे आदेश दिले आहेत. यासोबतच अपघातात मृत्युमुखी पडलेल्यांना प्रत्येकी ५ लाख रुपयांची भरपाई जाहीर करण्यात आली आहे.
11 killed in lightning strike in Tamil Nadu
महत्त्वाच्या बातम्या
- धनंजय मुंडे यांच्यावर दबाव आणण्यासाठी रेणू शर्माकडून राष्ट्रवादीच्या प्रमुख नेत्यांनाही संदेश
- धार्मिक हिंसाचाराच्या न्यायालयीन चौकशीची मागणी फेटाळली
- तामीळनाडूतही राज्यपाल विरुध्द मुख्यमंत्री संघर्ष, कुलगुरूंच्या नियुक्तीचे अधिकार तामिळनाडू सरकारने घेतले स्वत : कडे
- भारताची प्रतिमा डागाळण्यासाठी अरुंधती रॉयपासून अनेकांना मिळते पाकिस्ताकडून मदत, अमेरिकेतील संस्थेच्या अहवालात झाले उघड