विशेष प्रतिनिधी
मुंबई: नेटफिक्सवर नुकतीच एक जबरदस्त वेबसीरिज रिलीज झाली आहे, जिचे नाव आहे स्क्विड गेम. या हटके वेब सिरीजला डोक्यावर घेतले जात आहे. ही मूळ दक्षिण कोरियन वेबसिरीज आहे जिला हिंदीमध्ये डब करण्यात आले आहे. या सीरिजमध्ये एकूण नऊ एपिसोड आहेत आणि प्रत्येक एपिसोड अर्धा ते एक तासाचा आहे.
What is so special in this Korean webseries ‘Squid Game’
काय आहे कथा?
या सीरिजमधील मुख्य पात्र ही खूप कठीण काळातून जात आहेत. या सर्वांवर खूप मोठे कर्ज आहे. तरी या सर्वांचे आयुष्य बदलण्याकरिता त्यांना एका गेम खेळण्यासाठी आमंत्रित केले जाते. हा गेम जो कोणी जिंकेल त्याला जगातील सर्वात श्रीमंत व्यक्ती होण्याईतके पैसे मिळतील. पण हा जो कोणी हरेल, तो मृत्यूला प्राप्त होईल. तरीही गरिबी दूर करण्यासाठी या सिरीज मधील सीरिजमधील काही मुख्य पात्र हा गेम खेळण्याचे आमंत्रण स्विकार करतात.
Netflix : आता मित्रांना पासवर्ड शेअर करणे होईल कठीण, व्हेरिकेशन होणार अनिवार्य
का बघावी ही सिरीज
या सीरिजमध्ये प्रत्येक दृश्य अतिशय उत्तमरित्या दाखवले गेले आहे. या सीरिजशी संबंधित तुम्ही इतरहीही थ्रिलर किंवा सस्पेन्स सिरीज बघितल्या असतील. परंतु ही सिरीज त्यामधील सगळ्यात हटके आहे. ह्या मागील आणखी एक महत्त्वाचे कारण म्हणजे, यातील प्रत्येक कलाकाराने आपल्या भूमिकेला पूर्णपणे न्याय दिलेला आहे. या सिरीजचे चित्रीकरण/सिनेमॅटोग्राफी खूप वेगळ्या लेव्हलला जाऊन केली गेली आहे. यातील प्रत्येक चांगले किंवा वाईट दृश्य हे तुमच्यावर दीर्घकाळ प्रभाव टाकेल. सर्व एपिसोड मध्ये प्रत्येक दृश्याला दिलेले उत्तम पार्श्वसंगीत हेसुद्धा या सिरीजमधील प्लस पॉइंट आहे.
ही सीरिज खूप मोठी असून यामध्ये नऊ एपिसोड आहेत त्यामुळे ही सिरीज पूर्ण बघण्यासाठी तुम्हाला खूप वेळ द्यावा लागेल. बघण्याआधी आम्ही अशी मॉर्निंग देतो की, ही सिरीज वीक माइंडेड लोकांसाठी नाही. यात प्रचंड प्रमाणात हिंसा आहे. जी बघितल्यावर कदाचित तुम्हाला डोळे बंद करावे लागतील. पण जर तुम्ही थ्रिलर, सस्पेन्स, ट्विस्ट आणि ॲक्शन या कॅटेगरीचे चाहते असाल, तर नक्कीच ही सिरीज बघण्यासारखी आहे. यातील गेम हा बिग बॉस टाइप आहे पण हा खेळ बाहेरच्या जगासाठी नाही. तसेच यातील खलनायक कोण आहे हे तुम्हाला सिरीज मध्येच पहावे लागेल.
What is so special in this Korean webseries ‘Squid Game’
महत्त्वाच्या बातम्या
- ZP Election Result 2021: पालघरचे सर्व निकाल जाहीर; भाजपा तीन, शिवसेना, राष्ट्रवादी प्रत्येकी दोन जागा, माकपा एका जागेवर विजयी
- देशात पहिल्यांदाच बलात्कार प्रकरणाच्या खटल्यात पाचव्या दिवशी शिक्षा, नराधमाला 20 वर्षांचा तुरुंगवास आणि 2 लाखांचा दंड
- Jioचे नेटवर्क डाऊन : सकाळी 9.30 पासून Jioच्या नेटवर्कमध्ये समस्या, कॉल आणि इंटरनेट वापरकर्ते त्रस्त
- शिरपूर पंचायत समितीची पोटनिवडणूक; भाजपचा सर्व सहाच्या सहा जागांवर विजय