विशेष प्रतिनिधी
पाटणा : बिहारच्या मधुबनी जिल्ह्यातील झंझनपूर तालुक्यातील गिदरगंज गावातील मशिदीत नमाजाच्या नावाखाली जमलेल्या मुस्लिम समूदायाने पोलिसांवर गोळीबार केला आणि दगडफेक केली. कोरोना लॉकडाऊन तोडून सुमारे १०० मुस्लीम गिदरगंजच्या मशिदीत एकत्र आलेत, अशी माहिती पोलिसांना मिळाल्यावर त्यांनी मुस्लिम समूदायाला सोशल डिस्टंसिंग पाळण्याची विनंती केली परंतू, त्याला प्रतिसाद देण्याएेवजी मस्तीखोरांनी पोलिसांवरच मशिदीतून दगडफेक सुरू केली. यामध्ये काही पोलिस जखमी झाले. पोलिस कारवाई करतच मागे सरकत असताना मशिदीतून गोळीबार करत जमाव बाहेर आला. सुमारे एक किलोमीटरपर्यंत जमावाने पोलिसांचा पाठलाग केला. जमावाच्या गोळीबारातून एसडीओ थोडक्यात बचावले. पोलिसांनी मशिदीच्या इमामाविरोधात गुन्हा दाखल केला आहे. तबलिग जमातच्या मरकजमधून येथे येऊन काही परकीय मौलाना लपले असल्याचाही पोलिसांना संशय आहे.