गुजरातचे माजी मुख्यमंत्री विजय रुपानी यांची आज रविवार १५ जून रोजी डीएनए चाचणीद्वारे ओळख पटली आहे. विजय रुपानी एअर इंडियाच्या AI171 विमानामध्ये होते, जे १२ जून रोजी दुपारी १:३९ वाजता अहमदाबादमध्ये कोसळले होते. या विमानातील २४२ जणांपैकी २४१ जणांचा मृत्यू झाला आहे. विजय रुपानी यांचाही यामध्ये समावेश आहे. अपघातात बळी पडलेले विमान एअर इंडियाचे बोईंग 787-0 ड्रीमलाइनर होते.
उपराज्यपाल सिन्हा यांनी पहलगामबाबत मोठी घोषणा केली आहे. त्यांनी १७ जूनपासून काही पर्यटन स्थळे उघडण्याचा निर्णय घेतला आहे, ज्यामध्ये पहलगाम मार्केटचाही समावेश आहे.
मध्यपूर्वेतील इराण-इस्रायल संघर्षादरम्यान, एआयएमआयएमचे खासदार असदुद्दीन ओवैसी यांनी एका महत्त्वाच्या मुद्द्याकडे लक्ष वेधले आहे.
शेतकरी कर्जमाफीसह विविध मागण्यांसाठी गत 7 दिवसांपासून अन्नत्याग उपोषण करणाऱ्या बच्चू कडू यांनी शनिवारी आपले उपोषण स्थगित करण्याची घोषणा केली. या प्रकरणी त्यांनी सरकारला आपल्या मागण्या पूर्ण करण्यासाठी 2 ऑक्टोबरपर्यंतची मुदत दिली आहे. सरकारने आमच्या मागण्या मान्य केल्या नाही तर 2 ऑक्टोबर रोजी आम्ही थेट मंत्रालयात शिरू, असे ते या प्रकरणी सरकारला इशारा देताना म्हणालेत.
उत्तराखंडमधील केदारनाथ धाममध्ये रविवारी सकाळी एक मोठा अपघात झाला. रविवारी सकाळी केदारनाथ मार्गावर एक हेलिकॉप्टर कोसळल्याचे सांगण्यात येत आहे. मिळालेल्या माहितीनुसार, या हेलिकॉप्टरमध्ये एकूण सहा जण होते. या अपघातात सर्वांचा मृत्यू झाल्याची भीती व्यक्त केली जात आहे.
इराण आणि इस्रायल यांच्यातील संघर्ष दिवसेंदिवस गंभीर बनत चालला आहे. या युद्धजन्य स्थितीमुळे इराणमध्ये राहणाऱ्या भारतीय नागरिकांची सुरक्षा धोक्यात येऊ शकते, असे लक्षात घेऊन भारत सरकारने महत्त्वाची पावले उचलली आहेत.
भाजप आमदार आणि खासदारांच्या प्रशिक्षण शिबिराला आज मध्य प्रदेशातील पचमढी या हिल स्टेशनमध्ये सुरुवात झाली. केंद्रीय गृहमंत्री अमित शहा यांनी त्याचे उद्घाटन केले. त्यांनी खासदार आणि आमदारांना संबोधित केले. मुख्यमंत्री डॉ. मोहन यादव आणि केंद्रीय कृषी मंत्री शिवराज सिंह चौहान हे देखील कार्यक्रमात उपस्थित होते. प्रशिक्षण शिबिराला संबोधित केल्यानंतर शहा येथून भोपाळला रवाना झाले.
इराणमधून लीक झालेल्या काही अत्यंत संवेदनशील दस्तऐवजांमुळे पुन्हा एकदा पाकिस्तान आणि त्याच्या अणु कार्यक्रमावर आंतरराष्ट्रीय संशयाची सावली गडद झाली आहे. या दस्तऐवजांमध्ये दावा करण्यात आला आहे की पाकिस्तानने १९८०–९०च्या दशकात इराणला गुप्तपणे अणु तंत्रज्ञान पुरवले. हे आरोप नव्याने समोर आले असले, तरी यामागील इतिहास आणि त्याचे आजच्या परिस्थितीवर होणारे संभाव्य परिणाम अत्यंत गंभीर आहेत.
बांगलादेशला लागून असलेल्या आसाममधील धुबरी जिल्ह्यात जातीय तणाव रोखण्यासाठी उपद्रवींना दिसताच गोळ्या घालण्याचे आदेश आसामचे मुख्यमंत्री हिमंता बिस्वा सरमा यांनी दिले आहेत. हिंसाचारग्रस्त भागांना भेट दिल्यानंतर मुख्यमंत्र्यांनी सांगितले की मंदिरात गोमांस फेकण्याची घटना कधीच घडायला नको होती. यामध्ये सहभागी असलेल्यांना सोडले जाणार नाही. बांगलादेशच्या सीमेला लागून असलेल्या धुबरी जिल्ह्यात रात्रीच्या वेळी दिसताच गोळ्या घालण्याचे आदेश लागू केले जातील असे ते म्हणाले.
इजराइल आणि इराण यांच्या संघर्षात चीन पुरस्कृत शांघाय को ऑपरेशन ऑर्गनायझेशन या संघटनेने फक्त इजरायल वर एकतर्फी हल्लाबोल केला, पण भारताने मात्र वेळीच वेगळा सूर काढून फक्त इजरायलवर होणाऱ्या टीकेतून अंग काढून घेतले.
अहमदाबाद विमान अपघाताला सुमारे ४५ तास उलटून गेले आहेत. आठपेक्षा अधिक एजन्सी तपासात गुंतल्या आहेत. हा अपघात कसा झाला? का झाला? तांत्रिक बिघाड होता की आणखी काही? या सर्व प्रश्नांची उत्तरे शोधली जात आहेत. जगभरातील तज्ज्ञ अपघाताची कारणे शोधत आहेत. अपघातग्रस्त एअर इंडिया विमानाचा ब्लॅक बॉक्स सापडला आहे. त्याची तपासणी केली जात आहे. या पार्श्वभूमीवर आपण जाणून घेऊयात, विमानामधील नारंगी रंगाच्या उपकरणाला ब्लॅक बॉक्स का म्हणतात?.
मणिपूर पोलिस, सीएपीएफ, लष्कर आणि आसाम रायफल्सच्या संयुक्त पथकांनी १३-१४ जूनच्या रात्री, खोऱ्यातील ५ जिल्ह्यांच्या बाहेरील भागात शोध मोहीम राबवली. यामध्ये स्फोटके आणि इतर युद्ध साहित्यांसह १५१ एसएलआर रायफल्स, ६५ इन्सास रायफल्स, ७३ इतर प्रकारच्या रायफल्स, ५ कार्बाइन गन, २ एमपी-५ गन आणि इतर युद्ध साहित्य जप्त करण्यात आले. या कारवाईत एकूण ३२८ बंदुका आणि रायफल्स जप्त करण्यात आल्या.
अहमदाबादेतील एअर इंडियाच्या विमान अपघाताने संपूर्ण देश हादरून गेला आहे. १२ जून रोजी झालेल्या या भयानक अपघातात २७४ जणांचा मृत्यू झाला. मृतांमध्ये केवळ विमानातील प्रवासीच नव्हते तर विमान ज्या इमारतीला धडकले तेथील वैद्यकीय विद्यार्थ्यांसह अन्य काही जणांचाही समावेश होता.
अहमदाबादमध्ये एअर इंडियाच्या विमान एआय-१७१ अपघाताच्या २७ तासांनंतर, शुक्रवारी विमान अपघात तपास ब्युरो (एएआयबी) ने ब्लॅक बॉक्स जप्त केला. ते वसतिगृहाच्या छतावर सापडले. याद्वारे आपल्याला अपघातापूर्वीच्या शेवटच्या क्षणांमध्ये काय घडले हे कळू शकेल.
अहमदाबाद विमान अपघाताने केवळ गुजरातच नाही तर संपूर्ण देशाला हादरवून टाकले आहे. अपघाताला ४८ तास उलटले आहेत, परंतु त्याचे कारण अद्याप समोर आलेले नाही. १२ जून रोजी दुपारी नेमके काय घडले?
अहमदाबादमधील एअर इंडिया ड्रीमलाइनर विमानाच्या भीषण अपघातात मृतांचा आकडा २७४ वर पोहोचला आहे. यामध्ये २४१ प्रवासी आणि क्रू मेंबर्स हे विमानात होते, तर उर्वरित ३३ जण बी.जे. मेडिकल कॉलेजच्या आवारात जमिनीवर उपस्थित होते. टाटा समूहाने या अपघातात मृत्युमुखी पडलेल्या सर्वांनाच प्रत्येकी एक कोटी कोटींची भरपाई देण्याची घोषणा केली आहे मग ते प्रवासी असोत किंवा जमिनीवरचे नागरिक जे विमान पडल्याने मृत्युमुखी पडले.
डीजीसीएने शुक्रवारी एअर इंडियाच्या बोईंग ७८७ ड्रीमलायनरची सुरक्षा तपासणी करण्याचे आदेश दिले. १२ जून रोजी अहमदाबाद विमान अपघातात २४१ जणांचा मृत्यू झाल्यानंतर एका दिवसात हा आदेश जारी करण्यात आला. त्यात म्हटले आहे की बोईंगच्या ७८७-८ आणि ७८७-९ विमानांची प्रत्येक उड्डाणापूर्वी तपासणी केली जाईल. सर्व अहवाल डीजीसीएला सादर केले जातील.
महात्मा गांधींचा दक्षिण आफ्रिकेत गुलामगिरी विरुद्ध लढा; पण त्यांच्या दिवट्या पणतीला कोट्यावधींच्या फसवणुकीबद्दल तुरुंगवासाची सजा!!, हे खरंच घडले आहे.
ऑपरेशन रायझिंग लायन मधून इजराइलने केलेल्या हल्ल्यात इराणच्या अण्वस्त्र केंद्रांचे प्रचंड नुकसान झाले. इराणी लष्कर प्रमुख आणि अणुशास्त्रज्ञ मारले गेले.
थायलंडमधील फुकेत आंतरराष्ट्रीय विमानतळावर एअर इंडियाच्या विमान AI-379 चे आपत्कालीन लँडिंग करण्यात आले. विमानात बॉम्ब असल्याची माहिती मिळाली होती. विमानात 156 लोक होते. हे विमान फुकेतहून दिल्लीला येत होते.
जिल्ह्यातील प्रसिद्ध शनिशिंगणापूर देवस्थानने एक मोठा निर्णय घेतला असून, त्यांच्या १६७ कर्मचाऱ्यांना नोकरीवरून काढून टाकले आहे. या कर्मचाऱ्यांमध्ये ११४ मुस्लिम कर्मचाऱ्यांचा समावेश आहे. या कारवाईमागे हिंदुत्ववादी संघटनांचा दबाव असल्याचा आरोप केला जात आहे, कारण या संघटनांनी नुकतीच या कर्मचाऱ्यांना कामावरून कमी करण्याचा इशारा दिला होता.
मध्य पूर्वेतील भू-राजकीय (geopolitical) घडामोडींचा जागतिक ऊर्जा बाजारावर नेहमीच मोठा परिणाम होतो. इस्रायल आणि इराण यांच्यातील वाढता तणाव आणि आता प्रत्यक्ष हल्ल्यांच्या सत्रामुळे जागतिक बाजारात तीव्र अस्थिरता निर्माण झाली आहे. १३ जून २०२५ रोजी मिळालेल्या वृत्तानुसार, इस्रायलने इराणच्या अणु आणि लष्करी तळांवर हवाई हल्ले केले आहेत, ज्यामुळे या दोन देशांमधील संघर्ष अधिकच तीव्र झाला आहे. यामुळे कच्च्या तेलाच्या किमतीत १०% पेक्षा जास्त वाढ झाली आहे. या वाढीमुळे जागतिक अर्थव्यवस्थेवर आणि विशेषतः भारतासारख्या तेल आयातदार देशांवर गंभीर परिणाम होतील.
राम मंदिराभोवती उंच इमारती बांधण्यास बंदी घालण्यात आली आहे. अयोध्या विकास प्राधिकरणाने (ADA) मास्टर प्लॅन-२०३१ अंतर्गत हे पाऊल उचलले आहे. या अंतर्गत, अयोध्येतील राम मंदिराभोवती फक्त कमी उंचीची घरे बांधता येतील.
Operation sindoor मधून भारताने पाकिस्तान मध्ये खोलवर केलेले हल्ले आणि इजरायलने इराणवर केलेले हल्ले याचे आंतरराष्ट्रीय राजकारणातले मायने काही प्रमाणात वेगळे असले, तरी एका बाबतीत विलक्षण साम्य आहे
आसाममधील धुबरी जिल्ह्यात अलिकडेच झालेल्या जातीय तणावानंतर मुख्यमंत्री हिमंता बिस्वा सरमा यांची प्रतिक्रिया आली आहे. त्यांनी सांगितले की, यावेळी बकरी ईदच्या दिवशी धुबरीच्या हनुमान मंदिरात गोमांस फेकून काही समाजकंटकांनी घृणास्पद आणि निंदनीय गुन्हा केला आहे. आमच्या मंदिरांना नुकसान पोहोचवण्याच्या उद्देशाने एक विशिष्ट वर्ग सक्रिय झाला आहे, म्हणून आम्ही पोलिसांना बेकायदेशीर कृत्य दिसताच गोळ्या घालण्याचे आदेश दिले आहेत.