मंगळवारी एअर इंडियाच्या ७ आंतरराष्ट्रीय उड्डाणे रद्द करण्यात आली. यामध्ये अहमदाबाद-लंडन, दिल्ली-पॅरिस, दिल्ली-व्हिएन्ना, लंडन-अमृतसर, दिल्ली-दुबई, बंगळुरू-लंडन या विमानांचा समावेश आहे. याशिवाय, सॅन फ्रान्सिस्कोहून मुंबईला येणाऱ्या विमानातील प्रवाशांना कोलकाता विमानतळावर उतरवण्यात आले.
पंतप्रधान नरेंद्र मोदी आणि कॅनडाचे नवे पंतप्रधान मार्क कार्नी यांच्यात पहिली औपचारिक बैठक कॅनडातील कनानास्किस येथे झालेल्या G7 शिखर परिषदेत झाली. यादरम्यान, दोन्ही नेत्यांनी राजधान्यांमध्ये उच्चायुक्तांच्या पुर्ननियुक्तीवर सहमती दर्शविली. त्यांनी परस्पर सहकार्यालाही महत्त्वाचे म्हटले.
अहमदाबाद एअर इंडिया विमान अपघाताशी संबंधित एक नवीन व्हिडिओ समोर आला आहे. ज्यामध्ये बीजे मेडिकल कॉलेजच्या वसतिगृहातील विद्यार्थी आगीपासून आपला जीव वाचवण्यासाठी गॅलरीतून उड्या मारताना दिसत आहेत.
प्रसिद्ध अभिनेते कमल हसन यांच्या आगामी ‘ठग लाईफ’ या चित्रपटाच्या प्रदर्शनावरून कर्नाटकात गोंधळ सुरू आहे. दरम्यान, सर्वोच्च न्यायालयाने राज्यात चित्रपटाच्या प्रदर्शनाला हिरवा कंदील दाखवला आहे.
समाजवादी पक्षाचे अध्यक्ष अखिलेश यादव यांनी २०२७ मध्ये होणाऱ्या उत्तर प्रदेश विधानसभा निवडणुकांबद्दल मोठी घोषणा केली आहे. अखिलेश यादव म्हणाले, ‘समाजवादी पक्ष आणि काँग्रेस २०२७ च्या विधानसभा निवडणुका एकत्र लढतील.’ लखनऊ येथील समाजवादी अल्पसंख्याक सभेच्या बैठकीत अखिलेश यादव यांनी हे जाहीर केले.
आम आदमी पक्षाचे खासदार आणि प्रवक्ते संजय सिंह यांनी म्हटले आहे की त्यांचा पक्ष यावर्षी होणाऱ्या बिहार विधानसभा निवडणुकीत सर्व जागांवर उमेदवार उभे करेल. शिक्षण, आरोग्य आणि रोजगार हे त्यांचे मुख्य मुद्दे आहेत. एवढंच नाहीतर त्यांनी ‘आप’च्या इतर कोणत्याही पक्षाशी युतीची शक्यता फेटाळून लावली.
इस्रायली सैन्याने (आयडीएफ) मंगळवारी दावा केला की त्यांनी एका मोठा इराणी कमांडर अली शादमानीला ठार मारले आहे. इस्रायलने त्याचे सैन्य प्रमुख म्हणून वर्णन केले आहे. हा हल्ला एका मोठ्या कारवाईनंतर झाला आहे, ज्यामध्ये इस्रायलने ‘ऑपरेशन रायझिंग लायन’ अंतर्गत इराणचे मेजर जनरल गुलाम अली रशीद यांनाही ठार मारल्याचा दावा केला होता.
भाजपचे राज्यसभा खासदार सुधांशू त्रिवेदी यांनी काँग्रेस पक्षावर जातीवर आधारित संघर्षाला खतपाणी घालण्याचा आरोप केला आहे. पत्रकार परिषदेत बोलताना ते म्हणाले की, ‘’पंतप्रधान मोदींच्या नेतृत्वाखालील मंत्रिमंडळाने जनगणना करण्याचा निर्णय घेतला आहे. जारी केलेल्या अधिसूचनेत स्पष्टपणे म्हटले आहे की, स्वतंत्र भारताच्या इतिहासात पहिल्यांदाच जनगणनेसोबतच सामाजिक, आर्थिक सर्वेक्षण आणि जातीवर आधारित जनगणना देखील केली जाईल. यामागील आमचे उद्दिष्ट सर्व जातींची ओळख, सर्व जातींचा आदर आणि शेवटच्या टोकाला उभ्या असलेल्या जातींचे उत्थान आहे. परंतु इंडि आघाडी आणि काँग्रेस फक्त त्यांच्या कुटुंबाच्या उन्नतीचा विचार करतात.’’
विमानात बॉम्ब असल्याची माहिती मिळाल्यानंतर कोचीहून दिल्लीला जाणाऱ्या इंडिगोच्या विमानाचे नागपुरात इमर्जन्सी लँडिंग करण्यात आले..अधिक माहितीनुसार, इंडिगोचे विमान ६ई २७०६ कोचीहून दिल्लीला निघाले होते. दरम्यान विमानात बॉम्ब असल्याची धमकी मिळाल्यानंतर विमानाचे नागपुरात आपत्कालीन लँडिंग करावे लागले. पोलिस आणि अग्निशमन दल विमानाची कसून तपासणी करत आहेत. विमानातील सर्व प्रवाशांना सुरक्षितपणे खाली उतरवण्यात आले आहे. विमानातून आतापर्यंत कोणतीही संशयास्पद वस्तू आढळलेली नाही. सर्व प्रवासी सुरक्षित आहेत.
झारखंड मुक्ती मोर्चाचे सरचिटणीस सुप्रियो भट्टाचार्य यांनी बिहार विधानसभा निवडणुकीपूर्वी राष्ट्रीय जनता दलाबद्दल मोठे विधान केले आहे. त्यांनी म्हटले आहे की बिहार निवडणुकीत आरजेडीने युती धर्माचे पालन करावे. बिहारमधील महाआघाडीच्या बैठकीला ‘झामुमो’ला आमंत्रित न केल्याबद्दल सुप्रियो भट्टाचार्य यांनी हे विधान केले आहे.
इस्रायलसोबत सलग चौथ्या दिवशी सुरू असलेल्या संघर्षादरम्यान इराणने सोमवारी परदेशी नागरिकांना देश सोडण्याची परवानगी दिली. सूत्रांनी दिव्य मराठीला सांगितले की, भारताने इराणमधील आर्मेनियाच्या राजदूताशी त्यांच्या विद्यार्थ्यांना बाहेर काढण्यासाठी बोलले आहे.
दहशतवाद्यांच्या निधीवर लक्ष ठेवणारी संघटना फायनान्शियल अॅक्शन टास्क फोर्स (FATF) ने सोमवारी म्हटले की, पहलगाम दहशतवादी हल्ला दहशतवाद्यांच्या पाठिंब्याशिवाय होऊ शकला नसता. यामध्ये दहशतवाद्यांना निधी देण्यात आला आहे.
मे महिन्यात घाऊक महागाई दर ०.३९% पर्यंत खाली आला आहे. हा १४ महिन्यांतील सर्वात कमी स्तर आहे. मार्च २०२४ च्या सुरुवातीला घाऊक महागाई दर ०.२६% होता. दैनंदिन जीवनावश्यक वस्तू आणि अन्नपदार्थांच्या किमती कमी झाल्यामुळे महागाई कमी झाली आहे.
१६ जून २०२५ पासून भारतीय डिजिटल पेमेंट प्रणालीत एक महत्त्वाचा टप्पा पार पडला आहे. नॅशनल पेमेंट्स कॉर्पोरेशन ऑफ इंडिया (NPCI) ने UPI व्यवहार जलद आणि विश्वासार्ह करण्यासाठी काही महत्त्वाचे बदल आजपासून लागू केले आहेत. यामुळे आता UPI व्यवहार पूर्वीपेक्षा ५०% जलद होतील. पूर्वी जे पेमेंट पूर्ण होण्यास ३० सेकंद लागत होते, ते आता केवळ १५ सेकंदात पूर्ण होणार आहेत.
इराण – इजराइल संघर्षाचे कारण सांगून अमेरिकेचे अध्यक्ष डोनाल्ड ट्रम्प यांनी G7 ही बैठक अर्ध्यावर टाकून कॅनडातून अमेरिकेत प्रस्थान ठेवले. पण त्याचवेळी त्यांनी अप्रत्यक्षपणे पंतप्रधान नरेंद्र मोदींची भेट घेणेही टाळले.
जात जनगणनेबाबत गृह मंत्रालयाच्या प्रवक्त्यांचे एक मोठे विधान समोर आले आहे. गृह मंत्रालयाच्या प्रवक्त्यांनी सांगितले की, ‘२०२७ च्या जनगणनेत जात जनगणना देखील समाविष्ट केली जाईल.’
सक्तवसुली संचालनालयाने उद्योगपती आणि प्रियांका गांधी यांचे पती रॉबर्ट वढेरा यांना चौकशीसाठी समन्स बजावले आहे.
अहमदाबाद विमान अपघाताच्या चौकशीत भारताच्या विमान अपघात अन्वेषण ब्युरो (एएआयबी) ला मदत करण्यासाठी उच्चस्तरीय आंतरराष्ट्रीय विमान वाहतूक तपासनीस आणि बोईंग प्रतिनिधी अहमदाबादला पोहोचले आहेत.
भारताचे पंतप्रधान नरेंद्र मोदी यांना सायप्रसचा सर्वोच्च नागरी पुरस्कार प्रदान करण्यात आला आहे. २३ वर्षांत सायप्रसला भेट देणारे पहिले भारतीय पंतप्रधान नरेंद्र मोदी यांना सायप्रसचे अध्यक्ष निकोस क्रिस्टोडौलिडेस यांनी ग्रँड क्रॉस ऑफ द ऑर्डर ऑफ मकारिओस III प्रदान केले. पंतप्रधान मोदी रविवारी या भूमध्यसागरीय बेट देशात पोहोचले जिथे राष्ट्रपती निकोस यांनी त्यांचे विमानतळावर स्वागत केले.
पंतप्रधान नरेंद्र मोदी आणि सायप्रसचे अध्यक्ष निकोस क्रिस्टोडौलिड्स यांनी संयुक्तपणे माध्यमांना संबोधित केले. पंतप्रधान मोदींनी सीमापार दहशतवादाविरुद्धच्या भारताच्या लढाईत सायप्रसच्या पाठिंब्याबद्दल कृतज्ञता व्यक्त केली. यासोबतच, दोन्ही नेत्यांनी पश्चिम आशियातील सुरू असलेल्या संघर्षाबद्दलही चिंता व्यक्त केली.
केंद्र सरकारने सोमवारी जनगणनेसाठी अधिसूचना जारी केली आहे. राजपत्रात असे सांगण्यात आले आहे की जनगणना प्रक्रिया दोन टप्प्यात पूर्ण होईल.
जागतिक पातळीवर युद्धजन्य परिस्थिती असताना आणि जागतिक अर्थव्यवस्था मंदीचे हेलकावे खात असताना इतर मोठ्या देशांच्या अर्थव्यवस्थेच्या तुलनेत भारतीय अर्थव्यवस्था स्थिर आणि सकारात्मक आहे, याचे प्रत्यंतर आज समोर आले.
:प्रेमाला धर्माची चौकट घालता येत नाही. दोन वेगवेगळ्या धर्मातील व्यक्तींमध्ये प्रेम होतं, म्हणजे ते लव्ह जिहादचं नाव घेतलं जावं का? असा सवाल प्रसिद्ध अभिनेते आमिर खान याने केला .’आप की अदालत’ या कार्यक्रमात आमिर खानला लव्ह जिहादला प्रोत्साहन दिल्याच्या आरोपांबाबत विचारण्यात आलं असता, त्याने स्पष्ट शब्दांत आपली बाजू मांडली.
रविवारी पहाटे ५:२० वाजता केदारनाथजवळील गौरीकुंड येथे हेलिकॉप्टर कोसळले. यामध्ये पायलटसह सर्व ७ प्रवाशांचा मृत्यू झाला. मृतांमध्ये महाराष्ट्रातील एका २ वर्षाच्या मुलाचाही समावेश आहे.
मणिपूरमध्ये सुरक्षा दलांनी केलेल्या संयुक्त शोध मोहिमेत, ३२८ शस्त्रे आणि दारूगोळा जप्त करण्यात आला. यामध्ये सेल्फ लोडिंग रायफल्स (SLR) आणि INSAS सारख्या रायफल्सचा समावेश आहे.