भारताचे सरन्यायाधीश बीआर गवई यांनी बुधवारी सांगितले की, वकिलांना सुट्टीच्या काळात काम करायचे नसते परंतु खटल्यांच्या प्रलंबिततेसाठी न्यायपालिकेला जबाबदार ठरवले जाते. उन्हाळी सुट्टीनंतर याचिका यादीत ठेवण्याची विनंती एका वकिलाने केली तेव्हा मुख्य न्यायाधीश बीआर गवई आणि न्यायमूर्ती ऑगस्टीन जॉर्ज मसीह यांच्या खंडपीठाने नाराजी व्यक्त केली.
नॅशनल हेराल्ड मनी लाँड्रिंग प्रकरणात काँग्रेस नेत्या सोनिया गांधी आणि राहुल गांधी यांनी १४२ कोटी रुपयांच्या गुन्हेगारी रकमेचा फायदा घेतल्याचा आरोप अंमलबजावणी संचालनालयाने (ईडी) बुधवारी राऊस अव्हेन्यू कोर्टात केला. या प्रकरणात न्यायालयाने सोनिया गांधी, राहुल गांधी, सॅम पित्रोदा आणि इतरांना नोटीस बजावली आहे.
जागतिक वित्तीय सेवा कंपनी मॉर्गन स्टॅनलीने बुधवारी भारताचा विकासदर आर्थिक वर्ष २०२६ साठी ६.२ टक्के आणि आर्थिक वर्ष २७ साठी ६.५ टक्के असा अंदाज वर्तवला. बाह्य अनिश्चिततेमध्येही मजबूत देशांतर्गत अर्थव्यवस्थेमुळे देश जलद आर्थिक विकास अनुभवत असल्याचे वित्तीय संस्थेने म्हटले आहे.
पाकिस्तानमध्ये मोठा बॉम्बस्फोट झाला आहे. बुधवारी पाकिस्तानमध्ये मुलांना घेऊन जाणाऱ्या शाळेच्या बसला लक्ष्य करून झालेल्या स्फोटात ३ मुलांसह किमान ५ जणांचा मृत्यू झाल्याची माहिती आहे. तसेच ३८ जण जखमी झाले आहेत. या हल्ल्याची जबाबदारी अद्याप कोणीही स्वीकारलेली नाही.
छत्तीसगडमधील नारायणपूर जिल्ह्यात सुरक्षा दल आणि नक्षलवाद्यांमध्ये चकमक सुरू आहे. या चकमकीदरम्यान, सुरक्षा दलांनी सकाळी ११ वाजेपर्यंत २६ नक्षलवाद्यांचा खात्मा केला. या चकमकीत एक जवान शहीद झाला तर एक जखमी झाला. पोलिस अधिकाऱ्यांच्या म्हणण्यानुसार, ही चकमक बुधवारी सकाळी सुरू झाली.
तरैया विधानसभा मतदारसंघातील आम आदमी पक्षाचे भावी उमेदवार मनोरंजन सिंह यांनी त्यांच्या जनसंपर्क दौऱ्यात सांगितले की, आगामी विधानसभा निवडणुकीत आम आदमी पक्ष २४३ जागांवर आपले उमेदवार उभे करेल. पक्षाचे प्रदेशाध्यक्ष राकेश यादव यांच्या नेतृत्वाखाली निवडणूक रणनीती अंतिम केली जात आहे.
टाईम मासिकाने आज, मंगळवार, २० मे रोजी पहिल्यांदाच जगातील टॉप १०० परोपकारी व्यक्तींची यादी जाहीर केली आहे. या यादीत रिलायन्स इंडस्ट्रीजचे अध्यक्ष मुकेश अंबानी आणि त्यांची पत्नी नीता अंबानी यांचा समावेश करण्यात आला आहे.
पश्चिम बंगालमधील मुर्शिदाबाद जिल्ह्यात वक्फ कायद्याच्या विरोधात झालेल्या निदर्शनादरम्यान हिंसाचार झाला. कलकत्ता उच्च न्यायालयाने या प्रकरणाची चौकशी करण्यासाठी तीन सदस्यीय समिती स्थापन केली होती, जिने आपला अहवाल सादर केला होता. आता भारतीय जनता पक्षाने बुधवारी या मुद्द्यावर पत्रकार परिषद घेतली आहे. भाजपने तृणमूल काँग्रेसवर आरोप केले आहेत आणि म्हटले आहे की हिंसाचारात हिंदूंना निवडकपणे लक्ष्य करण्यात आले.
भारताच्या परराष्ट्र आणि संरक्षण धोरणाच्या दृष्टीने निर्णायक ठरलेल्या ‘ऑपरेशन सिंदूर’ ने पाकिस्तानला लज्जास्पद पराभवाची चव चाखवली. भारताने केवळ दहशतवाद्यांवर प्रहार केला नाही, तर जगाला स्पष्ट संदेश दिला की, भारत आता कारवाई करतो, शब्दांवर नाही, कृतीवर विश्वास ठेवतो. मात्र, या ऐतिहासिक यशाच्या पार्श्वभूमीवरही काँग्रेसने आपले क्षुद्र राजकारणाचे शस्त्र म्यान केलेले दिसत नाही.
निदर्शकांनी केली जाळपोळ; आंदोलनाचा एक व्हिडिओ सोशल मीडियावर व्हायरल
भारतीय लष्कराकडून झालेल्या दारुण पराभवावर पांघरूण घालण्यासाठी आणि जनतेच्या मनात बनवटा अभिमान निर्माण करण्यासाठी पाकिस्तान सरकारने लष्करप्रमुख जनरल असीम मुनीर यांना ‘फील्ड मार्शल’ पदावर पदोन्नती दिली आहे. १९५९ नंतर हे पद दिलं गेलेलं हे केवळ दुसरं उदाहरण असून, यामागे खऱ्या शौर्यापेक्षा राजकीय प्रदर्शन अधिक दिसून येत आहे.
पंजाबमधील बटाला येथे दहशतवादी आणि पोलिसांमध्ये चकमक झाली. यादरम्यान पोलिसांच्या गोळीबारात जतीन कुमार उर्फ रोहन हा दहशतवादी जखमी झाला. या मॉड्यूलच्या एकूण ६ इतर दहशतवाद्यांना पोलिसांनी आधीच अटक केली आहे.
operation sindoor दरम्यान वादग्रस्त ट्विट करून देशाविरुद्ध भूमिका जाहीर करणाऱ्या राज्यशास्त्राचा प्राध्यापक अली खान मेहबूदाबाद याला सुप्रीम कोर्टाने आज जामीन मंजूर केला.
पश्चिम बंगालमधील मुर्शिदाबाद जिल्ह्यात एप्रिलमध्ये झालेल्या जातीय हिंसाचाराच्या संदर्भात कोलकाता उच्च न्यायालयाने स्थापन केलेल्या चौकशी समितीने गंभीर खुलासे केले आहेत. त्यात म्हटले आहे की, सत्ताधारी तृणमूल काँग्रेस (टीएमसी) च्या एका स्थानिक नेत्याची हिंसाचारात भूमिका होती. स्थानिक नगरसेवक मेहबूब आलम यांनी हे हल्ले केले.
पाकिस्तानसाठी हेरगिरी केल्याच्या आरोपाखाली अटक करण्यात आलेल्या युट्यूबर ज्योती मल्होत्राची सोमवारी एनआयए, जम्मू आणि काश्मीर पोलिस आणि गुप्तचर पथकाने चौकशी केली. तिच्या दहशतवादी संबंधांबद्दल तिची चौकशी करण्यात आली.
मिस्टर बीस्ट म्हणून प्रसिद्ध असलेले यूट्यूबर जिमी डोनाल्डसन अब्जाधीशांच्या यादीत सामील झाले आहेत. वयाच्या २७ व्या वर्षी त्यांची संपत्ती १ अब्ज डॉलर्स (सुमारे ८,५०० कोटी रुपये) पर्यंत पोहोचली आहे. सेलिब्रिटी नेट वर्थनुसार, तो जगातील ८ वा सर्वात तरुण अब्जाधीश बनला आहे. मिस्टर बीस्टचे मासिक उत्पन्न सुमारे ५० दशलक्ष डॉलर्स (४२७ कोटी रुपये) आहे.
साध्या पण थेट सवालांवर माझी प्रमुख अमरजीत सिंह दुलत भडकले आणि भर मुलाखतीत पत्रकारालाच मारायला धावले. भारत रफ्तार टीव्हीच्या मुलाखती दरम्यान हा किस्सा घडला.
मासेमाऱ्यांनी खोल समुद्रात जाणे टाळावे, असा इशारा आपत्ती व्यवस्थापन विभागाने दिला आहे.
१२ दिवसांच्या अंतरानंतर मंगळवारी पंजाब फ्रंटियरच्या अटारी संयुक्त सीमा क्रॉसिंगवर ‘बीटिंग रिट्रीट’ समारंभ पुन्हा सुरू झाला.
कोविड-१९ ने पुन्हा एकदा चिंता निर्माण करण्यास सुरुवात केली आहे. भारतासह जगातील अनेक देशांमध्ये कोरोनाचे नवीन रुग्ण आढळत आहेत. लोक आतापर्यंत महामारीचा तो काळ विसरलेले नाहीत. लॉकडाऊन आणि भीतीदायक परिस्थितीमुळे प्रत्येकाच्या मनात वाईट आठवणी राहिल्या आहेत. पण पुन्हा एकदा या साथीचे संकेत दिसत आहेत.
पाकिस्तानात काही झाले कुठली उलथापालट झाली तरी लष्कराला त्याची डग लागत नाही याचे प्रत्यंतर आता आले.
केंद्रीय वाणिज्य आणि उद्योग मंत्री पियुष गोयल यांनी मंगळवारी सांगितले की, भारत-अमेरिका द्विपक्षीय व्यापार कराराचा (BTA) पहिला टप्पा पूर्ण करण्यासाठी अमेरिकेचे वाणिज्य सचिव हॉवर्ड लुटनिक यांच्याशी त्यांची चर्चा यशस्वी झाली.
Waqf सुधारणा कायद्याच्या वैधतेला आव्हान देणाऱ्यांना आज सुप्रीम कोर्टाने फटकारले. संसदेला कुठलाही कायदा संमत करण्याचा घटनात्मक अधिकार आहे. त्यामध्ये घटनात्मक उल्लंघन झाले, याचे सबळ पुरावे समोर आणल्याशिवाय सुप्रीम कोर्ट त्यामध्ये हस्तक्षेप करणार नाही, असे सरन्यायाधीश बी. आर. गवई यांच्या खंडपीठाने याचिकाकर्त्यांना सुनावले.
ऑपरेशन सिंदूर नंतर भारत सरकार आंतरराष्ट्रीय स्तरावर पाकिस्तानला सातत्याने उघड करत आहे. या संदर्भात, देशाच्या एका शिष्टमंडळाने संयुक्त राष्ट्र सुरक्षा परिषदेच्या पॅनेलला भेट दिली आहे. भारतीय शिष्टमंडळाने ‘द रेझिस्टन्स फ्रंट’ (TRF) या दहशतवादी संघटनेविरुद्ध काही पुरावे सादर केले आहेत.
या महिन्याच्या सुरुवातीला सर्वोच्च न्यायालयाच्या आदेशानंतर महाराष्ट्र राज्य निवडणूक आयोगाने स्थानिक स्वराज्य संस्थांच्या निवडणुकांसंदर्भात प्रभाग रचनेची प्रक्रिया सुरू केली आहे. औपचारिकता पूर्ण झाल्यानंतर वर्षाच्या अखेरीस स्थानिक स्वराज्य संस्थांच्या निवडणुका होऊ शकतात, असे एका उच्चपदस्थ अधिकाऱ्याने सोमवारी सांगितले.