माजी थायलंड पंतप्रधान थाकसिन शिनावात्रा हे देश सोडून त्यांच्या खासगी विमानाने दुबईला गेले आहेत. त्यांनी सोशल मीडिया प्लॅटफॉर्म X वर याची माहिती दिली. थायलंड न्यायालय ९ सप्टेंबर रोजी थाकसिन यांच्या भ्रष्टाचार प्रकरणात निकाल देणार आहे.
अमेरिकेला एक ट्रम्प नाही पुरला म्हणून दुसरा पुढे आला; भारत अमेरिकेला sorry म्हणेल, असा त्याने दावा केला!! ट्रम्प प्रशासनाचे डोके फिरलेले आहे असेच म्हणायची वेळ वेगवेगळ्या दाव्यांमुळे आली.
भारताबरोबर टेरिफ युद्ध सुरू केलेले अमेरिकेचे अध्यक्ष डोनाल्ड ट्रम्प आपल्या ट्रूथ सोशल मीडिया अकाउंट वर सत्य बोलले, पण ते अर्धसत्य ठरले!! 5 सप्टेंबर रोजी डोनाल्ड ट्रम्प यांनी ट्रूथ अकाउंट वर अमेरिकेने भारत आणि रशिया यांना चीनच्या खोल आणि अंधाऱ्या गर्तेतत गमावले. त्यांचे संबंध तिथे तरी दीर्घकाळ चांगले राहोत, असे लिहिले.
रशियाचे राष्ट्रपती व्लादिमीर पुतिन यांनी ट्रम्प यांना सांगितले की, ‘तुम्ही भारत किंवा चीनशी अशा प्रकारे बोलू शकत नाही.’ ते म्हणाले की अमेरिका अधिक टॅरिफ आणि निर्बंध लादून या देशांवर दबाव आणू इच्छित आहे. बुधवारी चीनच्या विजय दिनाच्या परेडमध्ये सहभागी झाल्यानंतर माध्यमांशी बोलताना पुतिन यांनी ट्रम्प प्रशासनावर आशियातील दोन सर्वात मोठ्या शक्तींना कमकुवत करण्याचा आरोप केला.
भारताबरोबर टेरिफ युद्ध मांडलेल्या डोनाल्ड ट्रम्प यांच्या CEO गाला डिनर पार्टीत भारतीय कम्युनिस्ट दिग्गज नेत्याचा बडा भांडवलदार पुतण्या सामील झाला होता, पण त्याकडे भारतीय माध्यमांचे किंवा जागतिक माध्यमांचे नेमकेपणाने लक्ष गेले नाही.
गेल्या २३ महिन्यांपासून इस्रायली हल्ल्यांमुळे गाझा पट्टी पूर्णपणे उद्ध्वस्त झाली आहे. दरम्यान, अमेरिकेचे अध्यक्ष डोनाल्ड ट्रम्प यांची गाझाला दुबईसारखे पर्यटन आणि आर्थिक स्थळ बनवण्याची योजना समोर आली आहे.
मंगळवारी अमेरिकन सैन्याने व्हेनेझुएलाच्या एका बोटीवर हल्ला केला, ज्यामध्ये ११ जणांचा मृत्यू झाला. आता अमेरिकेचे परराष्ट्र मंत्री मार्को रुबियो यांनी खुलासा केला आहे की ट्रम्प यांनी स्वतः बोटीवर हल्ला करण्याचे आदेश दिले होते.
अझरबैजानचे अध्यक्ष इल्हम अलीयेव यांनी भारतावर पाकिस्तानशी असलेल्या अझरबैजानच्या जवळीकतेचा जागतिक व्यासपीठांवर बदला घेतल्याचा आरोप केला आहे. सोमवारी शांघाय सहकार्य संघटनेच्या (एससीओ) शिखर परिषदेच्या वेळी पाकिस्तानचे पंतप्रधान शाहबाज शरीफ यांच्याशी झालेल्या भेटीत त्यांनी हे विधान केले.
मंगळवारी रात्री पाकिस्तानातील क्वेट्टा येथे बलुच नॅशनल पार्टीची रॅली आयोजित करण्यात आली होती. रॅली संपल्यानंतर लगेचच बॉम्बस्फोट झाला, ज्यामध्ये १४ जणांचा मृत्यू झाला. ३० हून अधिक लोक जखमी झाले आहेत, ज्यांवर उपचार सुरू आहेत. जखमींमध्ये माजी खासदार अहमद नवाज आणि पक्षाचे नेते मुसा बलोच यांचाही समावेश आहे.
ट्रम्प यांचे व्यापार सल्लागार पीटर नवारो यांनी पंतप्रधान नरेंद्र मोदी यांच्या रशिया आणि चीनच्या नेत्यांशी असलेल्या जवळीकतेवर आक्षेप घेतला आहे. नवारो म्हणाले, मोदी शी जिनपिंग आणि व्लादिमीर पुतिन यांच्यासोबत उभे आहेत हे लज्जास्पद आहे. ते काय विचार करत आहेत हे मला माहित नाही. आम्हाला आशा आहे की ते समजून घेतील की त्यांनी रशियाऐवजी आपल्यासोबत असले पाहिजे.
अफगाणिस्तानातील भूकंपात मृतांचा आकडा १४११ वर पोहोचला आहे, तर जखमींची संख्या ३२५० पेक्षा जास्त झाली आहे. वृत्तसंस्था एपीनुसार, तालिबानने ही माहिती दिली आहे.रविवारी रात्री अफगाणिस्तानातील जलालाबादजवळ ६.० तीव्रतेचा भूकंप झाला. त्यावेळी बहुतेक लोक झोपले होते, त्यामुळे ते इमारतींच्या ढिगाऱ्याखाली गाडले गेले.
अमेरिकेचे माजी राष्ट्रीय सुरक्षा सल्लागार (NSA) जेक सुलिव्हन यांनी राष्ट्राध्यक्ष ट्रम्प यांच्यावर देशापेक्षा स्वतःचे हित पाहण्याचा आरोप केला आहे. सोमवारी एका यूट्यूब चॅनेलला दिलेल्या मुलाखतीत त्यांनी म्हटले की, ट्रम्प यांनी पाकिस्तानसोबतच्या कौटुंबिक व्यवसायासाठी अमेरिकेचे भारताशी असलेले संबंध बिघडवले आहेत.
रविवारी मध्यरात्री ११:४७ वाजता (स्थानिक वेळेनुसार) अफगाणिस्तानमध्ये ६ तीव्रतेचा भूकंप झाला. आतापर्यंत ८०० लोकांचा यात मृत्यू झाला आहे, तर २५०० हून अधिक लोक जखमी झाले आहेत.
भारतीय टपाल विभागाने अमेरिकेला जाणाऱ्या सर्व प्रकारच्या टपाल सेवा तात्पुरत्या स्वरूपात बंद केल्या आहेत. अमेरिकेकडून येणाऱ्या ५० टक्के टॅरिफनंतर सीमाशुल्क विभागाच्या नवीन नियमांमध्ये अस्पष्टता असल्याने हा निर्णय घेण्यात आला आहे.
राष्ट्राध्यक्ष डोनाल्ड ट्रम्प यांच्या टेरिफवरून सुरू तणावाच्या पार्श्वभूमीवर, अमेरिकेकडून एक सकारात्मक संकेत मिळाला आहे. नवी दिल्लीतील अमेरिकी दूतावासाने सोमवारी म्हटले की, भारत-अमेरिका संबंध २१ व्या शतकासाठी सर्वात महत्त्वाचे आहेत. ही भागीदारी सतत नवीन उंची गाठत आहे. या महिन्यात आम्ही लोक, प्रगती आणि आपल्याला पुढे नेणाऱ्या शक्यता पुढे आणत आहोत. या विधानानंतर अमेरिकेचे परराष्ट्रमंत्री मार्को रुबियो म्हणाले की, दोन्ही देशांच्या लोकांमधील ही चिरस्थायी मैत्री आमच्या सहकार्याचा पाया असून याने पुढे जाण्याची ताकद मिळते, जेणेकरून आम्हाला आर्थिक संबंधांच्या अफाट शक्यतांची जाणीव होऊ शकेल.
ट्रम्प यांचे व्यापार सल्लागार पीटर नवारो यांनी भारतीय ब्राह्मणांवर रशियन तेल खरेदी करून नफा कमावल्याचा आरोप केला आहे. ते म्हणाले की, भारतीय ब्राह्मण रशियन तेलापासून नफा कमवत आहेत, ज्याची किंमत संपूर्ण भारताला मोजावी लागत आहे.
ऑस्ट्रेलियाचा वेगवान गोलंदाज मिचेल स्टार्कने टी-२० आंतरराष्ट्रीय क्रिकेटमधून निवृत्तीची घोषणा केली आहे. ३५ वर्षीय स्टार्कने २०२६ च्या अखेरीस सुरू होणाऱ्या ऑस्ट्रेलियाच्या व्यस्त कसोटी क्रिकेट वेळापत्रकाला आणि २०२७ मध्ये होणाऱ्या एकदिवसीय विश्वचषकाला प्राधान्य देण्यासाठी हा निर्णय घेतला आहे.
चीनमध्ये सुरू असलेल्या एससीओ शिखर परिषदेच्या दुसऱ्या दिवशी भारताला मोठे यश मिळाले आहे. या जाहीरनाम्यात पहलगाममधील दहशतवादी हल्ल्याचा तीव्र निषेध करण्यात आला आहे.यावेळी पाकिस्तानचे पंतप्रधान शाहबाज शरीफ देखील उपस्थित होते. या जाहीरनाम्यात गुन्हेगार, आयोजक आणि त्यांना पाठिंबा देणाऱ्यांना शिक्षा करणे आवश्यक असल्याचे म्हटले आहे.
अमेरिकेचे राष्ट्राध्यक्ष ट्रम्प जपानवर अमेरिकन तांदळासाठी बाजारपेठ खुली करण्यासाठी दबाव आणत आहेत. यामुळे, जपानचे मुख्य वाटाघाटीकार रयोसेई अकाजावा यांनी त्यांचा अमेरिका दौरा रद्द केला आहे.निक्केई एशियाच्या वृत्तानुसार, अकाजावा २८ ऑगस्ट रोजी वॉशिंग्टन डीसीला भेट देणार होते. परंतु ट्रम्प यांनी अमेरिकन तांदूळ खरेदी करण्यासाठी दबाव आणल्यानंतर त्यांना हा दौरा रद्द करावा लागला.
महाराष्ट्रात आणि देशात जशी जाती द्वेषाची लागण होऊन वेगवेगळी आंदोलने उभी राहिली, तशीच जाती द्वेषाची लागण अमेरिकेत झाली असून तिने ट्रम्प प्रशासनाला घेरून टाकल्याचे दिसून आले. त्यातूनच ट्रम्पचा व्यापार सल्लागाराने ब्राह्मणांविरुद्ध तोंडसुख घेतले!!
इंडोनेशियाची राजधानी जकार्ताच्या अनेक भागात खासदारांच्या पगारवाढीविरोधात हिंसक निदर्शने तीव्र झाली आहेत. शुक्रवारी रात्री मकासर शहरातील प्रादेशिक संसदेला निदर्शकांनी आग लावली.
चीनमधील तियानजिनमध्ये पंतप्रधान मोदींना प्रवासासाठी ‘होंगकी एल५’ ही खास कार देण्यात आली आहे. या कारला चीनची रोल्स रॉयस म्हणतात. पंतप्रधान शी जिनपिंग स्वतः ही कार वापरतात. एससीओ शिखर परिषदेत सहभागी होण्यासाठी मोदी सोमवारी या कारमधून पोहोचले.
सात वर्षांनी चीनला पोहोचलेले पंतप्रधान नरेंद्र मोदी यांनी आज राष्ट्राध्यक्ष शी जिनपिंग यांची भेट घेतली. दोघांमध्ये ५० मिनिटे चर्चा झाली. संभाषणादरम्यान मोदी म्हणाले- गेल्या वर्षी कझानमध्ये आमच्यात खूप उपयुक्त चर्चा झाली, ज्यामुळे आमचे संबंध सुधारले. सीमेवरून सैन्य मागे घेतल्यानंतर शांतता आणि स्थिरतेचे वातावरण निर्माण झाले आहे. विशेष प्रतिनिधींनी सीमा प्रश्नावर एक करार केला आहे. कैलास मानसरोवर यात्रा पुन्हा सुरू झाली आहे आणि दोन्ही देशांमधील थेट उड्डाणे देखील पुन्हा सुरू होत आहेत.
डोनाल्ड ट्रम्प यांनी घेतली होती युरोपियन राष्ट्रप्रमुखांची “शाळा”; पण SCO मध्ये भारत चीन आणि रशिया यांच्यासह महत्त्वाच्या राष्ट्रप्रमुखांचा भरला समानता मेळा!! हे परस्पर विरोधी आणि परस्पर विसंगत चित्र समोर आले.
न्यूयॉर्क टाईम्सच्या वृत्तानुसार, भारत आणि अमेरिकेतील तणावामागील खरे कारण ट्रम्प यांची नोबेल पुरस्काराची इच्छा आहे. अहवालात म्हटले आहे की, ट्रम्प यांनी १७ जून रोजी पंतप्रधान मोदींशी फोनवर चर्चा केली होती. यादरम्यान, ट्रम्प यांनी भारत आणि पाकिस्तानमध्ये युद्धबंदी आणल्याबद्दल त्यांना किती अभिमान आहे असे म्हटले होते.