देशातील धनकुबेर मुकेश अंबानी यांच्या आलिशान अँटिलिया या घराजवळ स्फोटकांनी भरलेली स्कॉर्पिओ आढळल्याप्रकरणी NIAने मुंबई पोलीस एपीआय सचिन वाझे (Sachin Vaze Case) यांना अटक केली. त्यांच्या अटकेनंतर एनआयएच्या पथकाने वाझे यांच्या कार्यालयाची झडती घेतली, त्यानंतर तेथून तेथे अनेक वस्तू सापडल्या. एनआयएचा दावा आहे की, त्यातून एक डायरी सापडली आहे ज्यामध्ये अनेक रहस्ये लपलेली असू शकतात.
विशेष प्रतिनिधी
मुंबई : देशातील धनकुबेर मुकेश अंबानी यांच्या आलिशान अँटिलिया या घराजवळ स्फोटकांनी भरलेली स्कॉर्पिओ आढळल्याप्रकरणी NIAने मुंबई पोलीस एपीआय सचिन वाझे (Sachin Vaze Case) यांना अटक केली. त्यांच्या अटकेनंतर एनआयएच्या पथकाने वाझे यांच्या कार्यालयाची झडती घेतली, त्यानंतर तेथून तेथे अनेक वस्तू सापडल्या. एनआयएचा दावा आहे की, त्यातून एक डायरी सापडली आहे ज्यामध्ये अनेक रहस्ये लपलेली असू शकतात.
डायरीमध्ये कोडवर्ड
एनआयएच्या सूत्रांच्या हवाल्याने ‘एबीपी न्यूज’ने वृत्त दिले आहे की, त्यांना वाझे यांच्या कार्यालयाकडून एक डायरी मिळाली आहे, ज्यामध्ये पैशांच्या व्यवहाराबद्दलची नोंद दिसून येत आहे आणि कोडवर्डमध्ये ही नोंद करण्यात आलेली आहे. बार-रेस्टॉरंट्स आणि इतर आस्थापनांसाठी गोळा केलेल्या पैशांच्या व्यवहाराचे हे पुस्तक असू शकते, असे तपास यंत्रणांचे मत आहे.
मुंबईचे माजी पोलीस आयुक्त परमबीर सिंह यांनी महाराष्ट्राचे मुख्यमंत्री उद्धव ठाकरे यांना पाठवलेल्या पत्रात गृहमंत्री अनिल देशमुख यांनी एपीआय सचिन वाझे आणि एसीपी संजय पाटील यांना पैसे गोळा करण्यास सांगितले होते, असा आरोप केला आहे.
वाझेच्या ऑफिसवर एनआयएचा छापा
वाझे यांच्या अटकेनंतर एनआयएच्या अधिकाऱ्यांनी 16 मार्च रोजी क्राइम इंटेलिजन्स युनिटच्या कार्यालयावर छापा टाकला. तेथून लॅपटॉप, मोबाइल, इतर इलेक्ट्रॉनिक गॅझेट्स व काही कागदपत्रे मिळाली. याच छाप्यात एनआयएला एक डायरीही मिळाली, ज्यात पैशांच्या व्यवहाराच्या अनेक नोंदी आहेत.
एनआयएच्या एका वरिष्ठ अधिकाऱ्याने ‘एबीपी न्यूज’ला दिलेल्या माहितीनुसार, त्यांना डायरी सापडली आहे, परंतु त्यात काय आहे याची चौकशी सुरू आहे. ही तपासणी अगदी प्राथमिक टप्प्यावर आहे. सूत्रांकडून मिळालेल्या माहितीनुसार, आता एनआयए लवकरच या प्रकरणात ईडीला पत्र लिहू शकते आणि या प्रकरणात मनी लॉन्ड्रिंगच्या अँगलची चौकशी करण्यास सांगू शकते.
महत्त्वाच्या बातम्या
- कोरोना लसीकरण : कोवीशील्ड व्हॅक्सीनबाबत सरकारची नवीन गाइडलाइन, आता 4 ऐवजी 8 आठवड्यानंतर मिळणार दुसरा डोस
- Maharashtra Lockdown News : मुंबई, पुणे, नागपूर, औरंगाबाद, नाशिकमध्ये कोरोनाचा स्फोट; राज्यात लॉकडाऊन निश्चित ; आरोग्यमंत्री राजेश टोपे यांचे वक्तव्य
- सारस्वत बँकेमध्ये १५० जागा ; अर्ज करण्याची शेवटची तारीख ३१ मार्च
- 67 व्या राष्ट्रीय चित्रपट पुरस्कारांत मराठी चित्रपटांचा बोलबाला ; ‘आनंदी गोपाळ’नं मारली बाजी
- मनसुख हिरेन हत्याप्रकरणाचे धागेदोरे उच्चपदस्थांपर्यंत पोहोचू लागल्यावर एटीएस अ‍ॅक्टीव्ह, म्हणे एनआयएकडे तपास गेलाच नाही
