विशेष प्रतिनिधी
हरिद्वार : 65 वर्षापेक्षा जास्त वय असणारे , गर्भवती महिला आणि दहा वर्षांखालील मुले, संवेदनशील आणि आजारी व्यक्तींना 10 फेब्रुवारीपासून हरिद्वार येथे होणार्या कुंभमेळ्यात न येण्याचा सल्ला केंद्र सरकार द्वारा देण्यात आला आहे. Hridwar Kumbh 2021 Going to Kumbh Mela Read Central Government
केंद्र सरकारच्या मार्गदर्शक सूचनांच्या आधारे उत्तराखंड सरकारने विविध राज्यांना ही विनंती केली आहे.विशेष म्हणजे कोविड संसर्गाच्या पार्श्वभूमीवर भारत सरकारने मार्गदर्शक सूचनाही जारी केल्या आहेत. असाच सल्लाही यात देण्यात आला आहे.
उत्तराखंड प्रशासनाच्या म्हणण्यानुसार, भाविकांच्या आरोग्यासाठी आणि सुरक्षेसाठी कुंभमेळ्यात जाणार्या भाविकांच्या बस आणि रेल्वे स्थानकात थर्मल स्क्रीनिंग करण्यात येणार आहे.
कुंभमेळा परिसरातील रेल्वेने येणार्या प्रवाश्यांसाठी थर्मल स्क्रीनिंग आणि आरटी-पीसीआर तपासणी अनिवार्य असून अहवाल तयार करण्याची विनंती राज्य सरकारने रेल्वे बोर्डाला केली आहे.
कुंभमेळ्या दरम्यान कोरोना संसर्ग रोखण्यासाठी मुख्य सचिव ओमप्रकाश यांनी रेल्वे मंडळाच्या अध्यक्षांना पत्र पाठविले आहे.
हरिद्वार कुंभचे शाही स्नान ११ मार्च रोजी ‘महा शिवरात्री’ निमित्त होईल. कुंभ होण्यापूर्वी 11 फेब्रुवारी रोजी मौनी अमावस्या, 12 फेब्रुवारी रोजी फाल्गुन संक्रांती, 16 फेब्रुवारी रोजी वसंत पंचमी, 19 फेब्रुवारी रोजी आरोग्य रथ सप्तमी आणि 20 फेब्रुवारी रोजी भीमाष्टमी येथे असण्याचीही अपेक्षा आहे. अशा परिस्थितीत हरिद्वारला जाणार्या गाड्यांमध्ये गर्दी होण्याची शक्यता आहे.
Hridwar Kumbh 2021 Going to Kumbh Mela Read Central Government
