जम्मू-काश्मीरचे माजी सनदी अधिकारी शाह फैसल हेदेखील अमेरिकन पॉप गायिका रिहानाच्या विरोधात उतरले आहेत. रिहानाने शेतकरी आंदोलनासंदर्भात केलेल्या ट्विटवर त्यांनीही प्रतिक्रिया व्यक्त केली आहे. 2010 मध्ये भारताच्या नागरी सेवेत अव्वल क्रमांकावर असलेल्या शाह फैसल यांनी या प्रकरणात माजी क्रिकेटपटू सचिन तेंडुलकरच्या ट्विटवर भाष्य केले आहे. त्यात त्यांनी लिहिले की, ‘हो, घरातली बाब घराच्या आतच चांगली आहे.’ Former IAS shah faesal regrets opposing Article 370
विशेष प्रतिनिधी
नवी दिल्ली : जम्मू-काश्मीरचे माजी सनदी अधिकारी शाह फैसल हेदेखील अमेरिकन पॉप गायिका रिहानाच्या विरोधात उतरले आहेत. रिहानाने शेतकरी आंदोलनासंदर्भात केलेल्या ट्विटवर त्यांनीही प्रतिक्रिया व्यक्त केली आहे. 2010 मध्ये भारताच्या नागरी सेवेत अव्वल क्रमांकावर असलेल्या शाह फैसल यांनी या प्रकरणात माजी क्रिकेटपटू सचिन तेंडुलकरच्या ट्विटवर भाष्य केले आहे. त्यात त्यांनी लिहिले की, ‘हो, घरातली बाब घराच्या आतच चांगली आहे.’
Yes. Ghar ki baat ghar ke andar hi achi. https://t.co/yxEfHUxJjK
— Shah Faesal (@shahfaesal) February 3, 2021
त्यानंतर शाह फैसल यांना न्यूज 18च्या एका पत्रकाराने बीबीसीला दिलेल्या मुलाखतीवरून प्रश्न केला की, कलम 370 हटवल्यावर भारत सरकारवर टीका करणे तुमची चूक होती हे मानता का? यावर दिलगीर आहात का? तर या प्रश्नाचे उत्तर देताना शाह फैसल यांनी ट्विटरवर लिहिले की, “हो, जगापुढे भारताच्या अंतर्गत बाबींविषयी बोलताना शब्दांकडे अधिक सावधगिरी बाळगणे आवश्यक आहे.”
Oh yes. One would have to be far more careful with words when talking about India's internal matters to a global audience.
— Shah Faesal (@shahfaesal) February 3, 2021
दरम्यान, 14 ऑगस्ट 2019 रोजी शाह फैसलने बीबीसीला दिलेल्या एका मुलाखतीमुळे मोठा वाद निर्माण झाला होता. त्यात ते म्हणाले होते की, ‘मला वाटते की हे आपल्या सर्वांसाठी खूप घाईचे आहे, मला मूर्ख बनायचे नाही. भारत काश्मिरींच्या या पिढीचा विश्वासघात करणार नाही, असे वाटत होते.
Former IAS shah faesal regrets opposing Article 370
परंतु, आता शाह फैसल यांनी आपल्या भूमिकेपासून पूर्णपणे यू-टर्न घेत भारत सरकारची पाठराखण करण्याचा विचार बोलून दाखवला आहे.
