Winter Session : खासदारांच्या निलंबनावर सभापती वैंकय्या नायडूंनी काढली नेहरू काळाची आठवण, विरोधकांनाही फटकारले । Winter Session Speaker Venkaiah Naidu recalls Nehrus time on suspension of MPs, slams opposition

Winter Session : खासदारांच्या निलंबनावर सभापती वैंकय्या नायडूंनी काढली नेहरू काळाची आठवण, विरोधकांनाही फटकारले

राज्यसभेचे अध्यक्ष व्यंकय्या नायडू यांनी खासदारांचे निलंबन अलोकतांत्रिक असल्याचे आणि माफी नाकारण्याच्या विरोधकांच्या भूमिकेवर नाराजी व्यक्त केली. विरोधकांच्या भूमिकेवर प्रश्न उपस्थित करत नायडूंनी नेहरू काळापासून आजपर्यंतच्या झालेल्या खासदारांच्या निलंबनांची आठवण करून देत आजवरची सर्व सरकारे अलोकतांत्रिक होती का, असा सवाल केला आहे. Winter Session Speaker Venkaiah Naidu recalls Nehrus time on suspension of MPs, slams opposition

वृत्तसंस्था

नवी दिल्ली : राज्यसभेचे अध्यक्ष व्यंकय्या नायडू यांनी खासदारांचे निलंबन अलोकतांत्रिक असल्याचे आणि माफी नाकारण्याच्या विरोधकांच्या भूमिकेवर नाराजी व्यक्त केली. विरोधकांच्या भूमिकेवर प्रश्न उपस्थित करत नायडूंनी नेहरू काळापासून आजपर्यंतच्या झालेल्या खासदारांच्या निलंबनांची आठवण करून देत आजवरची सर्व सरकारे अलोकतांत्रिक होती का, असा सवाल केला आहे.

सदनातील सत्ताधारी आणि विरोधी पक्षांनी चर्चेतून हे प्रकरण सोडवावे, असे आवाहन त्यांनी केले आहे. खासदारांचे हे निलंबन प्रथमच नाही, असे ते म्हणाले. याची सुरुवात 1962 मध्ये झाली आणि त्यानंतर 2010 पर्यंत 11 वेळा असे झाले. असे प्रस्ताव आणणारी सर्व सरकारे अलोकशाहीवादी होती का? असे असेल तर इतक्या वेळा असे का करण्यात आले? असा सवाल त्यांनी विरोधकांना केला आहे.

व्यंकय्या नायडूंच्या समारोपाच्या भाषणाशिवायच संपले पावसाळी अधिवेशन, अनेक वर्षांत प्रथमच घडले असे

व्यंकय्या नायडू यांनी सभागृहाला लिहिलेल्या पत्रात म्हटले आहे की, सभागृहाच्या कामकाजाबाबत घालून दिलेल्या नियमांनुसार ही कारवाई करण्यात आली आहे. संबंधित सदस्यांनी माफी मागितल्यास निलंबन मागे घेण्यात येईल, असेही संसदीय कामकाज मंत्री म्हणाले. उपराष्ट्रपती म्हणाले की, खासदारांच्या कृतीला अलोकशाहीवादी म्हणण्याऐवजी विरोधी पक्षनेते त्यांच्यावर केलेल्या कारवाईवर प्रश्नचिन्ह उपस्थित करत आहेत. मात्र, ही निलंबनाची कारवाई का करण्यात आली, याबाबत ते एकदाही बोलले नाहीत. खरे तर पावसाळी अधिवेशनात जे झाले ते सभागृहाची प्रतिष्ठा मलिन करणारेच होते. ते असे कृत्य होते की त्याचा पुन्हा उल्लेखही करता येणार नाही.

नायडू पुढे म्हणाले की, फक्त माणूसच चुका करतो आणि तो सुधारतोही. पण सुधारणा नाकारून चुकांचा गौरव करता येत नाही. अशा कृत्यांवरील कारवाईला अलोकतांत्रिक म्हणता येणार नाही. सभागृहाचे कामकाज सुरळीत चालावे यासाठी त्यांनी सभागृहातील दोन्ही बाजूंनी पुढे येऊन चर्चा करण्याचे आवाहन केले.