नेपाळमध्ये वाढली मुस्लिमांची लोकसंख्या, हिंदू आणि बौद्धांच्या संख्येत घट, ताज्या सरकारी आकडेवारीतून खुलासा|Nepal's Muslim population grows, Hindus and Buddhists decline, latest government figures reveal

नेपाळमध्ये वाढली मुस्लिमांची लोकसंख्या, हिंदू आणि बौद्धांच्या संख्येत घट, ताज्या सरकारी आकडेवारीतून खुलासा

वृत्तसंस्था

काठमांडू : नेपाळमधील हिंदू आणि बौद्धांची लोकसंख्या गेल्या दशकात किंचित कमी झाली आहे, तर मुस्लिम आणि ख्रिश्चनांची लोकसंख्या किरकोळ वाढली आहे. देशातील ताज्या जनगणनेच्या अहवालात ही माहिती देण्यात आली आहे. सेंट्रल ब्युरो ऑफ स्टॅटिस्टिक्सने शनिवारी प्रकाशित केलेल्या 2021 च्या जनगणनेच्या अहवालात म्हटले आहे की, नेपाळमध्ये हिंदू धर्म हा प्रमुख धर्म आहे, जो एकूण लोकसंख्येच्या 81.19 टक्के आहे. येथे 2,36,77,744 लोक हिंदू धर्माचे पालन करतात.Nepal’s Muslim population grows, Hindus and Buddhists decline, latest government figures reveal

दोन धर्मांची लोकसंख्या वाढली

23,94,549 अनुयायांसह बौद्ध धर्म हा देशातील दुसऱ्या क्रमांकाचा सर्वात जास्त अनुयायी असलेला धर्म आहे – जो नेपाळच्या लोकसंख्येच्या 8.2 टक्के आहे. येथे 14,83,060 लोक इस्लामचे अनुसरण करतात आणि एकूण लोकसंख्येच्या 5.09 टक्के लोकांसह हा तिसरा सर्वात जास्त अनुसरला जाणारा धर्म आहे. जनगणनेच्या अहवालात गेल्या दशकात हिंदू आणि बौद्धांच्या लोकसंख्येमध्ये किंचित घट झाल्याचे म्हटले आहे, तर मुस्लिम, ख्रिश्चन आणि किरात यांच्या लोकसंख्येमध्ये किंचित वाढ झाली आहे.

फरारी अमृतपाल नेपाळमध्ये लपल्याचा संशय, सर्व्हिलान्स लिस्टमध्ये टाकले, भारताचे आवाहन- त्याला अटक करून सोपवा

बौद्ध आणि हिंदू धर्माच्या अनुयायांची लोकसंख्या कमी झाली

गेल्या 10 वर्षांत हिंदू आणि बौद्ध धर्माच्या अनुयायांमध्ये अनुक्रमे 0.11 टक्के आणि 0.79 टक्के घट झाली आहे. त्याचप्रमाणे, आकडेवारीनुसार इस्लाम, किरात आणि ख्रिश्चन लोकांची लोकसंख्या अनुक्रमे 0.69, 0.17 आणि 0.36 टक्क्यांनी वाढली आहे. 2011 च्या जनगणनेदरम्यान, हिमालयी देशात 81.3 टक्के हिंदू, 9 टक्के बौद्ध, 4.4 टक्के मुस्लिम, 3.1 टक्के किराती आणि 0.1 टक्के ख्रिश्चन होते.

ख्रिश्चन धर्म हा देशातील पाचवा सर्वात मोठा धर्म असून, 5,12,313 लोक आहेत, जे एकूण लोकसंख्येच्या 1.76 टक्के आहे. तर स्वदेशी किरात धर्म 3.17 टक्के अनुयायांसह चौथा सर्वात मोठा धर्म आहे. नेपाळ दर दहा वर्षांनी लोकसंख्या जनगणना करते, परंतु यावेळी कोविड-19 मुळे गणना उशिराने झाली.

11 टक्क्यांहून अधिक लोक भोजपुरी भाषा बोलतात

नेपाळच्या 10 धर्मांमध्ये, प्रकृती, बोन, जैन, बहाई आणि शीख धर्म या पाच लहान धर्मांचा समावेश होतो. नेपाळी लोकांकडे एकूण 124 मातृभाषा आहेत, त्यापैकी 44 टक्के लोकसंख्येने नेपाळी, त्यानंतर मैथिली – 11.05 टक्के आणि भोजपुरी – 6.24 टक्के लोक बोलतात. त्याचप्रमाणे लोकसंख्येच्या 5.88 टक्के लोक थारू बोलतात तर तमांग 4.88 टक्के लोक बोलतात.