महाविद्यालय वसतिगृहाच्या जागेवर गोशाळा हंसराज कॉलेजमध्ये नवा वाद

By, Sachin Deshmukh - January 28, 2022 10:00:30

0

विशेष प्रतिनिधी

नवी दिल्ली : दिल्ली विद्यापीठाशी (डीयू) संलग्न हंसराज कॉलेजमध्ये गाय प्रोत्साहन आणि संशोधन केंद्र सुरू करण्यावरून नवा वाद निर्माण झाला आहे. मुलींच्या वसतिगृहाच्या जागेवर केंद्र म्हणून गोशाळा सुरू करण्यात आल्याचा आरोप महाविद्यालयातील विद्यार्थिनींनी केला आहे,Goshala on the site of college dormitoryNew controversy in Hansraj College

तर महाविद्यालयाचे प्राचार्य रमा शर्मा यांचा वसतिगृहाच्या जागेशी संशोधन केंद्राचा काहीही संबंध नसल्याचे म्हणणे आहे. गोठा हटविण्याची मोहीम सुरू करण्याबरोबरच वसतिगृहे बांधण्याची मागणी केली जाणार असल्याचे विद्यार्थ्यांचे म्हणणे आहे.

कॉंग्रेस खासदाराची भाषा म्हणजे विकृत मानसिक चाळे, हंसराज अहिर यांची टीका

शर्मांच्या म्हणण्यानुसार संशोधन केंद्र म्हणजे गोठा नाही. याठिकाणी एक गायही ठेवण्यात आली आहे, मात्र ज्या जमिनीवर संशोधन केंद्र उभारण्यात आले आहे, त्या जागेचा मुलींच्या वसतिगृहाशी काहीही संबंध नाही.

पूर्वी वास्तुविशारद आणि अभियंत्यांच्या पथकाने जमिनीचा छोटासा भाग वसतिगृहे बनवण्यासाठी योग्य नसल्याचे सांगितले होते. मात्र, 100 खाटांचे वसतिगृह तयार होईपर्यंत 25 ते 30 खाटांचे मिनी वसतिगृह उभारण्याच्या प्रकल्पावर महाविद्यालय प्रशासन काम करत आहे. शर्मांच्या मते, गाय पाळल्याने वसतिगृहातील मुलांसाठी शुद्ध दुधाचीही व्यवस्था होऊ शकते. तसेच भविष्यात बायोगॅस प्रकल्पही उभारला जाऊ शकतो.

विद्यार्थ्यांनी सुरू केली ऑनलाइन मोहीम

गोशाळा सुरू केल्याचा आरोप, SFI युनिटने संशोधन केंद्राला विरोध करण्याचा निर्णय घेतला आहे. त्यासाठी विद्यार्थ्यांनी ऑनलाइन मोहीमही सुरू केली. गोशाळा संशोधन केंद्र म्हणून सुरू करण्यात आलेली जागा मुलींच्या वसतिगृहासाठी आरक्षित करण्यात आल्याचा आरोप विद्यार्थ्यांनी केला आहे. विद्यार्थिनींना आणखी वसतिगृहांची गरज आहे, मात्र त्यानंतरही गोशाळा सुरू करण्यात आली आहे.

महाविद्यालय बंद असल्याने विद्यार्थ्यांना न कळवता त्यांच्या गैरहजेरीत गोशाळा करण्यात आल्याचा आरोप होत आहे. कोरोना महामारीत विद्यार्थ्यांना शुल्क व इतर माध्यमातून दिलासा देण्याऐवजी महाविद्यालय गोशाळेवर भर देत आहे, असा आरोप केला जातो.