मनी लाँडरिंग प्रकरणात ईडीची मोठी कारवाई, अवंता ग्रुपचे प्रवर्तक गौतम थापर यांना अटक|Gautam Thapar, promoter of Avantha Group, arrested in money laundering case

मनी लाँडरिंग प्रकरणात ईडीची मोठी कारवाई, अवंता ग्रुपचे प्रवर्तक गौतम थापर यांना अटक

विशेष प्रतिनिधी

नवी दिल्ली : अंमलबजावणी संचालनालयाने (ईडी) अवंथा समूहाचे प्रवर्तक गौतम थापर यांना मनी लाँडरिंग प्रकरणात अटक केली आहे. दिल्ली आणि मुंबईतील अनेक ठिकाणी शोध घेतल्यानंतर या व्यावसायिकाला मंगळवारी अटक करण्यात आली आहे. ईडीच्या अधिकाऱ्यांच्या मते, थापरला मंगळवारी रात्री मनी लाँड्रिंग प्रतिबंधक कायद्याच्या (पीएमएलए) तरतुदींखाली अटक करण्यात आली.Gautam Thapar, promoter of Avantha Group, arrested in money laundering case

गौतम थापरला बुधवारी म्हणजे आज न्यायालयात हजर केले जाण्याची शक्यता आहे. तिथे ईडी थापरची कोठडी मागेल. अधिकाऱ्यांच्या मते, ईडी थापरची कंपनी अवंता रियल्टीची चौकशी करत आहे, यामध्ये येस(Yes Banck) बँकेचे सह-संस्थापक राणा कपूर आणि त्यांच्या पत्नी यांच्यातील कथित व्यवहाराची चौकशी होणार आहे.

ओबीसी आरक्षणाचा पुळका की पुन्हा ईडीची धास्ती, भुजबळ काका पुतणे फडणवीसांच्या दारात

केंद्रीय अन्वेषण ब्युरोने (सीबीआय) नोंदवलेल्या एफआयआरची दखल घेत ईडीने मनी लाँड्रिंग प्रकरणाची नोंद केली होती. यावर्षी जूनमध्ये केंद्रीय अन्वेषण ब्युरोने (सीबीआय) येस बँकेला 466.51 कोटी रुपयांचे नुकसान केल्याच्या आरोपाखाली थापर यांना त्यांचे प्रवर्तक आणि दिल्ली आणि गुरुग्राम येथील दोन खासगी कंपन्यांच्या संचालकांसह अटक केली.

येस बँक ( Yes Banck)फसवणूक प्रकरणी ईडीसह अनेक एजन्सींकडून उद्योगपतीची चौकशी केली जात आहे ज्यात खासगी बँकेचे सह-संस्थापक राणा कपूर यांनाही अटक करण्यात आली आहे.