Starlink : अब्जाधीश एलन मस्क यांच्या स्पेसएक्स कंपनीचा ब्रॉडबँड व्यवसाय विभाग स्टार लिंक लवकरच भारतात ब्रॉडबँड सेवा सुरू करण्याची योजना आखत आहे. डिसेंबर 2022 पासून ही सेवा सुरू करण्याची कंपनीची योजना आहे. कंपनी सध्या दोन लाख सक्रिय टर्मिनल्ससाठी सरकारच्या मंजुरीची वाट पाहत आहे. Elon Musk’s company to launch broadband service in India, Starlink business target in rural areas
प्रतिनिधी
नवी दिली : अब्जाधीश एलन मस्क यांच्या स्पेसएक्स कंपनीचा ब्रॉडबँड व्यवसाय विभाग स्टार लिंक लवकरच भारतात ब्रॉडबँड सेवा सुरू करण्याची योजना आखत आहे. डिसेंबर 2022 पासून ही सेवा सुरू करण्याची कंपनीची योजना आहे. कंपनी सध्या दोन लाख सक्रिय टर्मिनल्ससाठी सरकारच्या मंजुरीची वाट पाहत आहे.
स्टारलिंकचे भारतातील संचालक संजय भार्गव यांनी लिंक्डइन पोस्टमध्ये म्हटले आहे की, कार्यालयात पहिल्या दिवशी कंपनीला भारतात आधीच 5000 प्री-ऑर्डर मिळाल्या आहेत आणि कंपनी ब्रॉडबँड सेवा देण्यासाठी ग्रामीण भागात काम करण्यास तयार आहे. भार्गव पुढे म्हणाले की, डिसेंबर 2022 पर्यंत भारतात दोन लाख टर्मिनल उपलब्ध करण्याचे त्यांचे ध्येय आहे. त्यांनी म्हटले की, जर त्यांना सरकारची मान्यता मिळाली नाही तर वास्तविक संख्या यापेक्षा खूप कमी असू शकते किंवा शून्यही राहू शकते. पण ते दोन लाखांचा आकडा पार करतील, अशी फारशी आशा नाही.
स्टारलिंक ग्राहकांना प्राधान्य यादीचा भाग होण्यासाठी 99 डॉलर किंवा 7,350 रुपयांची ठेव घेत आहे. एकदा सेवा सक्रिय झाल्यावर प्री-ऑर्डर डिपॉझिट मासिक शुल्काशी जुळवून घेतले जाईल. लोक परतावादेखील घेऊ शकतात, परंतु ते त्यांची प्राधान्य स्थितीदेखील गमावतील.
कंपनीचा दावा आहे की, ते बीटा स्टेजमध्ये 50 ते 150 मेगाबाइटच्या रेंजमध्ये डेटा स्पीड देतील. ब्रॉडबँड विभागात रिलायन्स जिओ, भारती एअरटेल, वोडाफोन आयडिया आणि भारती ग्रुप समर्थित वनवेब यांच्याशी कंपनी थेट स्पर्धा करेल.
भार्गव यांनी पोस्टमध्ये म्हटले आहे की, गोव्यातील एका दुर्गम भागाने स्टारलिंकची मागणी केली आहे. 100% ब्रॉडबँड हव्या असलेल्या ग्रामीण भागासोबत काम करणार असल्याचे त्यांनी सांगितले. यापैकी बहुतेकांना टेरेस्ट्रियल ब्रॉडबँडद्वारे उपलब्ध केले जातील. परंतु ज्या भागात सेवा कठीण आहे तेथे स्टारलिंकसारखे सेटकॉम प्रोव्हायडर्स असतील. प्री-ऑर्डर नोटमध्ये स्टारलिंकने म्हटले आहे की, त्यांची सेवा अनेक देशांमध्ये उपलब्ध आहे आणि भारताकडून मोठ्या प्रमाणात प्री-ऑर्डर मिळाल्यास त्यांना सरकारी मान्यता मिळवणे सोपे होईल.
Elon Musk’s company to launch broadband service in India, Starlink business target in rural areas
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more