काँग्रेसच्या सभेसाठी 500-500 रुपये देऊन जमवली गर्दी, सिद्धरामय्या यांच्या व्हिडिओवर मुख्यमंत्र्यांची टीका|Crowd paid Rs 500 each for Congress meeting, CM criticizes Siddaramaiah's video

काँग्रेसच्या सभेसाठी 500-500 रुपये देऊन जमवली गर्दी, सिद्धरामय्या यांच्या व्हिडिओवर मुख्यमंत्र्यांची टीका

वृत्तसंस्था

बंगळुरू : काँग्रेसचे ज्येष्ठ नेते सिद्धरामय्या यांनी पक्षाच्या नेत्यांना गर्दी जमवण्यासाठी 500 रुपये देऊन लोकांना सभेत घेऊन जाण्यास सांगितल्याचा एक व्हिडिओ सोशल मीडियावर व्हायरल झाला आहे. हा व्हिडिओ कधीचा आहे हे स्पष्ट झालेले नसले तरी मे महिन्याच्या विधानसभा निवडणुकीपूर्वी माजी मुख्यमंत्री पक्षाच्या चालू असलेल्या “प्रजा ध्वनी” बस दौऱ्यावर बेळगावी असताना हे रेकॉर्ड केलेले दिसते.Crowd paid Rs 500 each for Congress meeting, CM criticizes Siddaramaiah’s video

व्हिडिओमध्ये सिद्धरामय्या केपीसीसीचे कार्यकारी अध्यक्ष सतीश जारकीहोळी, आमदार लक्ष्मी हेब्बाळकर आणि आमदार चन्नाराज हत्तीहोळी यांच्याशी संवाद साधताना दिसत आहेत.

काँग्रेसचा सावरकर द्वेष पुन्हा उफाळला; कर्नाटकचे माजी मुख्यमंत्री सिद्धरामय्यांचे वादग्रस्त वक्तव्य; मुख्यमंत्री बोम्मईंचे तिखट प्रत्युत्तर

आम्हाला पैसे देण्याची गरज नाही : काँग्रेस

व्हिडिओवर प्रतिक्रिया देताना प्रदेश काँग्रेस अध्यक्ष डीके शिवकुमार म्हणाले की, हे खरे नाही, आम्ही कोणाला प्रोत्साहन देत नाही, आम्हाला पैसे देण्याची गरज नाही. काँग्रेसमध्ये तशी प्रथा नाही.

ದುಡ್ಡು ಕೊಟ್ಟು ಜನರನ್ನು ಕರೆದು ತರುವುದು, ಅವರಿಗೆಲ್ಲ ಬಿಟ್ಟಿ ಬಿಟ್ಟಿ ಭಾಗ್ಯ ಘೋಷಣೆ ಮಾಡುವುದು. ಆ ಕಡೆ ಅದೂ ಇಲ್ಲ, ಈ ಕಡೆ ಇದೂ ಇಲ್ಲ. ಕಾಂಗ್ರೆಸ್ ಕಥೆ ಈಗ ಮುಂಡಾಸು ಇಲ್ಲದಿರೋ ಮದುಮಗನ ಥರ ಆಗಿದೆ.#CorruptCongress pic.twitter.com/aHp6ISBADG

— BJP Karnataka (@BJP4Karnataka) March 1, 2023

पैसे देऊन गर्दी जमवण्याची काँग्रेसची परंपरा

बेळगावमध्ये मुख्यमंत्री बसवराज बोम्मई म्हणाले की, पैसे देणे आणि माणसे आणणे ही काँग्रेसची परंपरा आहे, यात नवीन किंवा आश्चर्यकारक काहीही नाही. ही त्यांची परंपरा आहे आणि लोकांना त्याबद्दल माहिती आहे. काँग्रेस अशा गोष्टी करत आली आहे आणि आता ते चव्हाट्यावर आले आहे.

माझा मृतदेहही भाजप आणि आरएसएससोबत जाणार नाही

काँग्रेस नेते आणि कर्नाटकचे माजी मुख्यमंत्री सिद्धरामय्या यांनी भारतीय जनता पक्ष (भाजप) आणि जनता दल-सेक्युलर (जेडी-एस) यांच्यावर निशाणा साधताना या पक्षांची कोणतीही विचारधारा नसल्याचे म्हटले होते. त्याचवेळी त्यांनी राष्ट्रीय स्वयंसेवक संघावरही जोरदार हल्ला चढवला. या लोकांनी (भाजप) मला राष्ट्रपती किंवा पंतप्रधान बनवले तरी मी त्यांच्यासोबत जाणार नाही, असे माजी मुख्यमंत्री म्हणाले. माझा मृतदेहही भाजप आणि आरएसएससोबत जाणार नाही, असे ते म्हणाले.