वृत्तसंस्था
नवी दिल्ली : तिबेटमधील लोकांची जमीन चीनने बळकावल्याचा आरोप आहे. वृत्तानुसार, चीन तिबेटमधील रेबगाँग आणि किंघाई भागात लिंग्या हायड्रो पॉवर डॅम बांधण्याची तयारी करत आहे. त्यासाठी त्यांना आजूबाजूचा परिसर रिकामा करणे आवश्यक आहे. China is grabbing Tibetan lands for dams, part of Xi Jinping’s five-year plan, to be built at a cost of 285 crores
मात्र, अनेकजण आपली जमीन व घरे सोडण्यास तयार नाहीत. अशा परिस्थितीत चिनी अधिकारी या लोकांना नुकसानभरपाई न देण्याची धमकी देत आहेत. ज्या जलविद्युत प्रकल्पासाठी चीन लोकांच्या जमिनी जप्त करत आहे, तो त्याच्या पंचवार्षिक योजनेचा भाग आहे. ज्यावर 285 कोटी रुपये खर्च होणार आहेत.
तिबेटच्या लोकांना चीनमध्ये काम करण्यास भाग पाडले जाते
चीन जलविद्युत प्रकल्पासाठी तिबेटमधील शु-ओंग के, ओंग नी था, मालपा जाम आणि मालपा खारनांग खरसी आणि मालपा चौवो हे क्षेत्र रिकामे करून घेत आहे. धरणाचे काम लवकरच सुरू होईल. लोकांचे म्हणणे आहे की, त्यांच्याकडे गाव आणि शेतांशिवाय जगण्यासाठी दुसरा पर्याय नाही.
अशा परिस्थितीत जेव्हा अधिकारी त्यांच्याकडून जमीन हिसकावून घेतात तेव्हा त्यांना चीनच्या शहरात जाऊन मजूर म्हणून काम करावे लागेल. तिबेटमधील लोकांना जबरदस्तीने आपल्या संस्कृतीत समाविष्ट करण्यासाठी चीन हे करत आहे.
तिबेट-चीनचा अनेक वर्षे जुना वाद
चीन आणि तिबेटमधील वाद अनेक वर्षांचा आहे. 13व्या शतकात तिबेट हा चीनचा भाग होता, त्यामुळे तिबेटवर त्याचा अधिकार असल्याचा चीनचा दावा आहे. चीनचा हा दावा तिबेटने फेटाळला आहे. 1912 मध्ये तिबेटचे 13वे धर्मगुरू दलाई लामा यांनी तिबेटला स्वतंत्र घोषित केले. तेव्हा चीनने यावर आक्षेप घेतला नाही, पण 1949 मध्ये चीनमध्ये कम्युनिस्ट सरकार सत्तेवर आले तेव्हा त्यांच्या विस्तारवादी धोरणांमुळे तिबेटचे स्वातंत्र्य धोक्यात आले. 6-7 ऑक्टोबर 1950 रोजी, चिनी सैन्याने तिबेटवर आक्रमण केले आणि 8 महिन्यांच्या संघर्षानंतर तिबेटी सैन्याचा पराभव केला.
महत्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more