Bulldozer : ब्रिटिश पंतप्रधान बोरीस जॉन्सन यांच्यावर चढला “बुलडोजर फिवर”!!

By, Sachin Deshmukh - April 21, 2022 08:00:48

0

वृत्तसंस्था

पंचमहाल : भारतभरात सगळीकडे बुलडोजरच्या दणकेबाज कारवाईचा बोलबाला सुरू असताना ब्रिटिश पंतप्रधान बोरीस जॉन्सन यांच्यावर देखील “बुलडोजर फिवर” चढल्याचे दिसून आले आहे.Bulldozer: British Prime Minister Boris Johnson gets “Bulldozer Fever”

बोरीस जॉन्सन यांनी आज भारताच्या दौऱ्यावर गुजरात मध्ये जेसीबी फॅक्टरीला भेट दिली. त्यावेळी त्यांच्यासमवेत जेसीबीचे चेअरमन लॉर्ड बेडफॉर्ड, गुजरातचे मुख्यमंत्री भूपेंद्र पटेल आणि अन्य वरिष्ठ अधिकारी होते. बोरीस जॉन्सन यांनी गुजरातच्या पंचमहल जिल्ह्यातील हलोल येथील जेसीबी फॅक्टरीला भेट दिली. त्यावेळी त्यांनी जेसीबी वर चढून फोटोला पोज देखील दिली. जेसीबीच्या ड्रायव्हर सीटवर ते बसले. बोरीस जॉन्सन यांचे हे फोटो आणि व्हिडिओ भारतात सोशल मीडियावर हिट झाले आहेत.

प्रतिकांचे राजकारण : गाय – गंगाजल – मंदिर या पलिकडले कायद्याच्या बडग्याचे प्रतीक “बुलडोजर”!!

उत्तर प्रदेशात मुख्यमंत्री योगी आदित्यनाथ यांनी गुंड -:माफियांच्या मालमत्तांवर बुलडोजर चालवल्यामुळे बुलडोजर हे राजकीय प्रतीक फेमस झाले. त्यानंतर मध्य प्रदेशचे मुख्यमंत्री शिवराज सिंग चौहान यांनी देखील गुंड माफियांच्या मालमत्तांवर बुलडोजर चालवला.

#WATCH UK PM Boris Johnson along with Gujarat CM Bhupendra Patel visits JCB factory at Halol GIDC, Panchmahal in Gujarat

(Source: UK Pool) pic.twitter.com/Wki9PKAsDA

— ANI (@ANI) April 21, 2022

काल जहांगीरपुरी मध्ये अमित शहा यांनी अतिक्रमणांवर बुलडोजर चालवून घेतला. त्यामुळे आत्तापर्यंत भारतात “बाबा का बुलडोझर” त्यानंतर “मामा का बुलडोझर” तसेच दिल्लीत चाललेला अमित शहा यांचा बुलडोजर हे प्रसिद्ध झाले. आता त्यापाठोपाठ बोरीस जॉन्सन हे “बुलडोजर मॅन” झाले आहेत.

भारतात गुंड – माफियांविरोधात आणि अतिक्रमणाविरोधात चाललेल्या बुलडोजर कारवाईचा ब्रिटीश पंतप्रधानांनी देखील आपली प्रसिद्धी वाढवून घेण्यासाठी चपखल उपयोग करून घेतल्याचे यातून दिसून आले आहे.