राजस्थानच्या भाजप खासदारावर प्राणघातक हल्ला : खाणमाफियांकडून डंपरखाली चिरडण्याचा प्रयत्न|Assault on BJP MP from Rajasthan Mining mafia tries to crush MP Ranjita Koli under dumper

राजस्थानच्या भाजप खासदारावर प्राणघातक हल्ला : खाणमाफियांकडून डंपरखाली चिरडण्याचा प्रयत्न

वृत्तसंस्था

जोधपूर : राजस्थानमधील भरतपूर येथील भारतीय जनता पक्षाच्या खासदार रंजिता कोली यांच्यावर हल्ला झाल्याची घटना समोर आली आहे. कोली यांच्यावर खाण माफियांनी हल्ला केल्याचा आरोप आहे.Assault on BJP MP from Rajasthan Mining mafia tries to crush MP Ranjita Koli under dumper

खासदार रंजिता कोली यांनी सांगितले की, त्यांना डंपरखाली चिरडण्याचा प्रयत्न करण्यात आला आहे. दोन तास माहिती देऊनही पोलिस पोहोचले नसल्याचे त्यांनी सांगितले.

काश्मीर फाईल्सचा घेतला काँग्रेसने धसका; राजस्थानच्या कोटा जिल्ह्यात जमावबंदीमुळे धार्मिक स्वातंत्र्यावरही गदा

I saw about 150 trucks that were overloaded. I tried to stop them but they fled. They thought I was in the car & thus they pelted stones, break my car. I could have been killed. This is an attack on me but I won't be scared: BJP MP Ranjeeta Koli pic.twitter.com/WyPxNdR86q

— ANI MP/CG/Rajasthan (@ANI_MP_CG_RJ) August 8, 2022

भाजपच्या खासदार रंजिता कोली म्हणाल्या की, मी पाहिले की सुमारे 150 ट्रक ओव्हरलोड होते. मी त्यांना थांबवण्याचा प्रयत्न केला, पण ते पळून गेले. त्यांना वाटले की मी कारमध्ये आहे. त्यांनी दगडफेक केली, माझी गाडी फोडली. मला मारले जाऊ शकले असते. हा माझ्यावर हल्ला आहे, पण मी घाबरणार नाही.

या प्रकरणी एएसपी आरएस काविया यांनी सांगितले की, खासदारांनी आम्हाला सांगितले की, त्या दिल्लीला जात होत्या, त्यांनी ओव्हरलोड ट्रक पाहिले. त्यांना थांबविण्याचा प्रयत्न केला असता 2-3 ट्रक थांबले, तर इतर पळून गेले. पळून जात असताना त्यांनी त्यांच्या गाडीवर दगडफेक केली, त्यांच्यावर हल्ला केला, असेही त्या म्हणाल्या. खाण माफियांनी गाडीवर हल्ला केल्याचा दावा खासदार रंजिता कोली यांनी केला. त्याचवेळी पोलिस कारवाई करत नसल्याचा आरोप करत त्यांनी धरणेही दिले.