देशातील तीस उच्च न्यायालयांना मिळणार मुख्य न्यायाधीश

By, Sachin Deshmukh - September 22, 2021 09:10:10

0

विशेष प्रतिनिधी

नवी दिल्ली – देशातील ३० उच्च न्यायालयांना लवकरच नवे मुख्य न्यायाधीश मिळणार आहेत. सरन्यायाधीश एन.व्ही. रमणा यांच्या नेतृत्वाखालील कॉलेजियमने केंद्र सरकारला आठ नव्या न्यायाधीशांच्या नावांची शिफारस केली आहे.30 courts will get new judges

कोलकता उच्च न्यायालयाचे विद्यमान मुख्य न्यायाधीश राजेश बिंदल यांना बढती मिळाली असून अन्य उच्च न्यायालयांच्या पाच मुख्य न्यायाधीशांच्या बदल्या करण्यात आल्या आहेत.

बालविवाहाबाबत पंजाब व हरियाणा उच्च न्यायालयाचा महत्त्वपूर्ण निर्णय

सर्वोच्च न्यायालयाच्या कॉलेजियमची १६ सप्टेंबर रोजीच बैठक झाली होती. या बैठकीतच न्यायाधीशांच्या नावांवर शिक्कामोर्तब करण्यात आले होते. कॉलेजियमने बिंदल यांच्याशिवाय न्या. रणजित. व्ही. मोरे. सतीशचंद्र शर्मा, प्रकाश श्रीवास्तव, आर.व्ही. मालीमठ, रितूराज अवस्थी,

अरविंदकुमार आणि प्रशांतकुमार मिश्रा यांच्या नावांची अनुक्रमे मेघालय, तेलंगण, कोलकता, मध्यप्रदेश, कर्नाटक, गुजरात आणि आंध्रप्रदेश उच्च न्यायालयांच्या मुख्य न्यायाधीशपदासाठी शिफारस केली आहे.