प्रतिनिधी
शिर्डी : दुबईतून आलेल्या दहशतवाद्यांनी साईबाबांच्या शिर्डीत रेकी केल्याची धक्कादायक कबूली दिली आहे. दुबईमधील या दहशतवाद्यांचे पाकिस्तानातील दहशतवादी संघटनांशी कनेक्शन असल्याचे समोर आले आहे. दहशतवाद्यांनी शिर्डीची रेकी केल्याची बातमी आल्याने, एकच खळबळ उडाली आहे. शिर्डीतील लाखो भाविकांवर या दहशतवाद्यांच्या टार्गेटवर असल्याची माहिती गुजरात एटीएसने दिली आहे.Shocking confession of terrorists arrested from Dubai for practicing Reiki in Shirdi
संपादकांच्या घरी केली रेकी
लाखो भाविकांचं श्रद्धास्थान असलेल्या साईबाबांच्या शिर्डीवर दहशतवाद्यांची वक्रदृष्टी असल्याची धक्कादायक माहिती समोर आली आहे. शिर्डी आंतरराष्ट्रीय संवेदनशील देवस्थान असल्याने, याआधीही साई मंदिराला धमकीचे निनावी पत्रे तसेच मेल आले आहेत. या दहशतवाद्यांनी शिर्डीचे मूळचे रहिवासी आणि सध्या दिल्लीत वास्तव्यास असणाऱ्या एका हिंदी चॅनेलच्या संपादकांच्या शिर्डीतील घरी आणि दिल्लीतील कार्यालयाची रेकी केल्याची कबुली देण्यात आली आहे. या दहशतवाद्यांकडून अवैध हत्यारं आणि स्फोटकं जप्त करण्यात आली आहेत.
दुबईतून अटक केलेले दहशतवादी मौलाना शब्बीर पठाण, अयुब झबरावाला, मौलाना गनी उस्मानी या तिघांनी ही रेकी केली होती. या तिघांचे पाकिस्तानी दहशतवादी संघटनेशी कनेक्शन आहे. याप्रकरणी आतापर्यंत 6 मौलवींसह 2 दहशतवादी अशा 8 जणांना अटक करण्यात आली आहे.
To be published, comments must be reviewed by the administrator.*
Our website uses cookies to improve your experience. Learn more