आता ड्रायव्हिंग लायसेन्स काढण्यासाठी आरटीओमध्ये जाण्याची गरज नाही

By, Sachin Deshmukh - July 4, 2021 07:40:37

0

विशेष प्रतिनिधी

मुंबई :आता शिकाऊ वाहनचालक परवाना (लर्नींग ड्रायव्हींग लायसन्स) घेण्यासाठी परिवहन कार्यालयात (आरटीओ) जाण्याची गरज नाही. शिकाऊ वाहनचालक ई-परवाना तसंच नवीन दुचाकी व चारचाकी वाहनांची नोंदणी वितरकांमार्फत ऑनलाईन पद्धतीने करण्याचा निर्णय परिवहन विभागाने घेतला आहे.No need to go to RTO to get a driving license anymore

ड्रायव्हिंग लायसन्स अर्जदार आता ड्रायव्हिंग चाचणीशिवाय किंवा प्रादेशिक परिवहन कार्यालयांमध्ये अर्जाची प्रक्रिया न करता परवाना मिळवू शकतील.केंद्रीय रस्ते वाहतूक आणि महामार्ग मंत्रालयाने गुरुवारी १ जुलैपासून ड्रायव्हिंग लायसन्सबाबत नवी नियम जारी केले आहेत.

आरटीपीसीआर चाचणीचे नाव घेताच युनायटेड एअरलाइन्सने रिकामेच विमान नेले न्यूयॉर्कला

मंत्रालयाने कळविले आहे की अर्जदार कोणत्याही मान्यताप्राप्त वाहन चालविण्याच्या प्रशिक्षण शाळेत ड्रायव्हिंग परवान्यासाठी नोंदणी करू शकतात. त्यांना मान्यताप्राप्त चालक प्रशिक्षण घ्यावे लागेल आणि प्रशिक्षण शाळेत ही परीक्षा पास करावी लागेल.

यासाठी परिवहन विभागाने सूचना केल्या आहेत. परवाना अर्जदारांसाठी ड्रायव्हिंग प्रशिक्षण शाळा सिम्युलेटर व उच्च-गुणवत्तेच्या प्रशिक्षणासाठी एक चाचणी ट्रॅकसह सुसज्ज असतील. हलक्या मोटार वाहन चालविण्याचा कोर्स सुरू होण्याच्या तारखेपासून चार आठवड्यांसाठी 29 तासांचा असेल. हा कोर्स थेअरी आणि प्रॅक्टीकल अशश दोन भागांत असेल. –

शिक्षण केंद्रामध्ये मध्यम व अवजड मोटार वाहन चालविण्याच्या कोर्ससाठी कालावधी 38 तास आहे. जो सहा आठवड्यांसाठी आहे. प्रशिक्षण प्रक्रियेदरम्यान अर्जदार रस्त्यावर वाहन चालविताना मूलभूत नैतिक कर्तव्ये आणि सभ्य वर्तन देखील शिकतील

ड्रायव्हिंग स्कूल केवळ हलके, मध्यम आणि अवजड मोटार वाहनापुरतेच मर्यादित राहणार नाहीत तर इच्छुक उमेदवारांना विशिष्ट प्रशिक्षण देखील प्रदान करतील. हे पूर्ण प्रशिक्षण रस्त्यावर वाहन कसे चालवावे याचे शिक्षण देणारे असेल. ड्रायव्हिंग प्रशिक्षण केंद्रे किंवा शाळांना दिले जाणारे प्रमाणपत्र पाच वर्षांच्या कालावधीसाठी राहील आणि त्यानंतर त्याचे नूतनीकरण केले जाईल.