नवाब मलिक यांना कोर्टात हजर केले जबरदस्तीने 'ईडी' कार्यालयात आणल्याचा आरोप Nawab Malik produced in front of court

नवाब मलिक यांना कोर्टात हजर केले जबरदस्तीने ‘ईडी’ कार्यालयात आणल्याचा आरोप

विशेष प्रतिनिधी

मुंबई : अंमलबजावणी संचालनालयाच्या पथकाने राष्ट्रवादीचे नेते आणि महाराष्ट्र सरकारमधील मंत्री नवाब मलिक यांना अटक केली. दरम्यान, नवाब मलिकांना कोर्टात हजर केले गेले. सकाळीच अधिकारी माझ्या घरी दाखल झाले. मला जबरदस्तीने ‘ईडी’ कार्यालयात आणले. तिथे गेल्यावर समन्सवर सही घेतली. कोणत्या अधिकाराखाली ही कारवाई करत आहेत, याची माहितीही दिली नाही,असे मलिकांनी कोर्टात सांगितले. Nawab Malik produced in front of court

‘ईडी’ने सकाळी 7 वाजता त्यांच्या घरावर छापा टाकला होता. सुमारे तासाभरानंतर त्यांना सोबत घेतले. तेव्हापासून नवाब मलिक ‘ईडी’ कार्यालयात हजर आहेत. सुमारे सहा तास चाललेल्या चौकशीनंतर ही कारवाई झाली.

अंडरवर्ल्ड कनेक्शन आणि मनी लाँडरिंग प्रकरणात अंमलबजावणी संचालनालयाच्या (Enforcement Directorate)’ईडी’ ने बुधवारी ही मोठी कारवाई केली.
‘ईडी’ची ही कारवाई अंडरवर्ल्डशी संबंधित एका प्रॉपर्टी प्रकरणात झाली आहे. यामध्ये दाऊद इब्राहिमचेही नाव समोर येत आहे. ‘ईडी’ने इक्बाल कासकरशी संबंधित कथित जमीन व्यवहाराची चौकशी सुरू केली आहे.