अटकेच्या भीतीने महाराष्ट्राचे माजी गृहमंत्री अनिल देशमुख बेपत्ता?

By, Pravin Pawar - August 4, 2021 08:25:29

0

देशमुख यांनी त्यांचे वकील इंद्रपाल सिंह यांच्यामार्फत ईडी कार्यालयाला दोन पानांचे पत्र पाठवले होते. Former Maharashtra Home Minister Anil Deshmukh goes missing for fear of arrest

विशेष प्रतिनिधी

मुंबई : मनी लाँडरिंग प्रकरणात अंमलबजावणी संचालनालयाने (ईडी) अटक करण्याच्या भीतीने महाराष्ट्राचे माजी गृहमंत्री अनिल देशमुख बेपत्ता झाले आहेत. ईडीच्या अधिकाऱ्यांना देशमुख कुठे आहेत हे माहीत नाही. देशमुख आणि त्यांचा मुलगा ऋषिकेश या दोघांच्या ठिकाणाविषयी माहिती नाही. ईडीचे अधिकारीही यामुळे आश्चर्यचकित झाले आहेत.

ईडीकडून अनिल देशमुख यांना आतापर्यंत चार समन्स जारी करण्यात आले आहेत. राष्ट्रवादीचे नेते अनिल देशमुख आणि त्यांचा मुलगा हृषीकेश देशमुख यांना सोमवारी त्यांच्या चौकशीसाठी दक्षिण मुंबईतील कार्यालयात बोलावले होते. पण वडील आणि मुलगा दोघेही त्यांचे बयान नोंदवण्यासाठी आले नाहीत.

गुन्हेगारी स्वरुपाचे आरोप तरीही सरकारी बंगल्यात, अनिल देशमुख, संजय राठोड यांनी अद्याप शासकीय निवासस्थाने सोडली नाहीत

देशमुख यांनी त्यांचे वकील इंद्रपाल सिंह यांच्यामार्फत ईडी कार्यालयाला दोन पानांचे पत्र पाठवले होते. भाजपचे नेते किरीट सोमय्या म्हणतात की माजी गृहमंत्री देशमुख त्यांच्या वकिलांमार्फत काही सबबी करून ईडीची चौकशी टाळण्याचा सतत प्रयत्न करत असतात. पण त्याला तुरुंगात जाण्याची खात्री आहे.

100 कोटींच्या वसुलीच्या प्रकरणात ईडीने देशमुख यांच्याविरोधात गुन्हा दाखल केला होता आणि त्यांच्या नागपूर आणि मुंबईतील ठिकाणांवर छापे टाकले होते. यासोबतच देशमुख कुटुंबाची 4.2 कोटींची मालमत्ताही जप्त करण्यात आली आहे. ईडीने या प्रकरणात देशमुख यांचे पीएस संजीव पलांडे आणि पीए कुंदन शिंदे यांना आधीच अटक केली आहे.