'स्वातंत्र्यापूर्वी 70 टक्के लोक सुशिक्षित होते, आता फक्त 17 टक्के...' सरसंघचालक म्हणाले- देशात शिक्षण आता दुर्लभ झाले|Before independence 70 percent of people were educated now only 17 percent Sarsangchalak said Education has become rare in the country

‘स्वातंत्र्यापूर्वी 70 टक्के लोक सुशिक्षित होते, आता फक्त 17 टक्के…’ सरसंघचालक म्हणाले- देशात शिक्षण आता दुर्लभ झाले

वृत्तसंस्था

कर्नाल : राष्ट्रीय स्वयंसेवक संघ (RSS) प्रमुख मोहन भागवत यांनी देशातील शिक्षण आणि आरोग्य सेवांबाबत मोठे विधान केले आहे. भागवत यांनी शिक्षण आणि आरोग्य हे दुर्लभ असल्याचे सांगून या दोन्ही गोष्टींचा आता केवळ व्यवसायासाठी वापर केला जात असल्याचे म्हटले आहे. राष्ट्रीय स्वयंसेवक संघाचे प्रमुख म्हणाले की, आजकाल आपल्या देशातील परिस्थिती अशी आहे की, शिक्षण आणि आरोग्य या दोन्ही गोष्टी महाग आणि दुर्लभ झाल्यामुळे त्यासाठी कोणीही काहीही करण्यास तयार आहे.Before independence 70 percent of people were educated now only 17 percent Sarsangchalak said Education has become rare in the country

हरियाणातील कर्नाल येथे एका कार्यक्रमाला संबोधित करताना भागवत म्हणाले की, आज शिक्षण आणि आरोग्याचा वापर व्यवसाय म्हणून केला जात आहे. शिक्षण आणि आरोग्य प्रत्येक व्यक्तीपर्यंत पोहोचणे आवश्यक आहे.

सरसंघचालक म्हणाले- काही स्वार्थी लोकांनी प्राचीन ग्रंथांमध्ये चुकीची तथ्ये जोडली, पुन्हा समीक्षा व्हायला पाहिजे!

#WATCH | Before British rule, our country's 70% population was educated& there was no unemployment.Whereas in England only 17% people were educated.They implemented their edu model here&implemented our model in their country& became 70% educated &we became 17% educated: RSS chief pic.twitter.com/JnSZX6KtGK

— ANI (@ANI) March 5, 2023

स्वातंत्र्यापूर्वी इंग्लंडमध्ये फक्त 17% लोक सुशिक्षित होते – भागवत

मोहन भागवत पुढे म्हणाले, “ब्रिटिश राजवटीपूर्वी आपल्या देशातील 70 टक्के लोकसंख्या सुशिक्षित होती आणि बेरोजगारी नव्हती, तर इंग्लंडमध्ये केवळ 17 टक्के लोक शिक्षित होते. त्यांनी त्यांचे शिक्षणाचे मॉडेल येथे लागू केले आणि आमचे मॉडेल त्यांच्या देशात लागू केले आणि 70% शिक्षित झाले आणि आम्ही 17% शिक्षित झालो.

संघाची वार्षिक बैठक 12 ते 14 मार्चदरम्यान

राष्ट्रीय स्वयंसेवक संघाची सर्वोच्च निर्णय घेणारी संस्था अखिल भारतीय प्रतिनिधी सभा (ABPS) ची वार्षिक बैठक 12 ते 14 मार्चदरम्यान हरियाणाच्या पानिपत जिल्ह्यात होणार असल्याचे सांगण्यात येत आहे. बैठकीत संस्थेच्या मागील वर्षातील कामांचा आढावा घेण्यात येणार असून पुढील वर्षाची रणनीती व कृती आराखडाही तयार करण्यात येणार आहे.