चीनच्या आव्हानाला सामोरे जाण्यासाठी अमेरिकेने वाढवला संरक्षण खर्च, 69 लाख कोटींचे डिफेन्स बजेट सादर|To meet the challenge of China, the US has increased its defense spending, presented a defense budget of 69 lakh crores

चीनच्या आव्हानाला सामोरे जाण्यासाठी अमेरिकेने वाढवला संरक्षण खर्च, 69 लाख कोटींचे डिफेन्स बजेट सादर

वृत्तसंस्था

वॉशिंग्टन : अमेरिकेचे संरक्षण मंत्री लॉयड जे. ऑस्टिन यांनी सांगितले की, चीनचे आव्हान पाहता 2024 च्या आर्थिक वर्षाच्या अर्थसंकल्पात संरक्षणावरील खर्चात वाढ करण्यात आली आहे. अमेरिकेने आपल्या बजेटमध्ये संरक्षण क्षेत्रावर खर्च करण्यासाठी 69 लाख कोटी रुपयांची तरतूद केली आहे. अमेरिकेच्या संरक्षणमंत्र्यांनी सांगितले की, चीनच्या आव्हानाला सामोरे जाण्याबरोबरच हिंद प्रशांत महासागर क्षेत्रात लष्करी ताकद वाढवण्यावर आणि अमेरिकेच्या सहयोगी देशांसोबत अधिक युद्धाभ्यास करण्यावरही भर असेल.To meet the challenge of China, the US has increased its defense spending, presented a defense budget of 69 lakh crores

हिंद पॅसिफिक महासागर आणि चीनच्या आव्हानाला सामोरे जाण्यावर भर

2024 या आर्थिक वर्षाच्या अर्थसंकल्पाचा फोकस हिंद महासागर क्षेत्राची सुरक्षा आणि चीनच्या आव्हानाला तोंड देण्यावर आहे. या क्षेत्रासाठी अमेरिकेने संरक्षण बजेटमध्ये 40 टक्के वाढ केली आहे आणि 9.1 अब्ज डॉलरची तरतूद केली आहे. या प्रदेशाच्या सुरक्षेच्या दृष्टीने हा आतापर्यंतचा सर्वात मोठा अर्थसंकल्प आहे. संरक्षणमंत्र्यांनी सांगितले की, या अर्थसंकल्पाच्या तीन प्राधान्यक्रम आहेत, ज्यामध्ये 1. राष्ट्रीय सुरक्षेवर भर, 2. सैनिक आणि त्यांच्या कुटुंबियांची काळजी आणि 3. भागीदार देशांसोबत सहकार्य वाढवणे.

कोरोनामुळे चीनच्या अर्थव्यवस्थेला धक्का : विकास दराला मोठा फटका, ड्रॅगन कठोर पावले उचलण्याच्या तयारीत

इंडो-पॅसिफिक क्षेत्रात आव्हान वाढत आहे. यामुळेच अमेरिका या प्रदेशातील देशांशी सातत्याने सहकार्य वाढवत आहे.

गत वर्षीच्या तुलनेत 13% वाढ

अमेरिकेच्या संरक्षणमंत्र्यांनी सांगितले की, हा एक धोरणात्मक अर्थसंकल्प असून चीनच्या पीपल्स रिपब्लिकचे आव्हान लक्षात घेऊन तो तयार करण्यात आला आहे. गेल्या वर्षीच्या तुलनेत अमेरिकेने संरक्षण बजेटमध्ये 13.4 टक्के वाढ केली आहे. त्याचवेळी 2023च्या तुलनेत अर्थसंकल्पात 3 टक्क्यांनी वाढ करण्यात आली आहे.