G7चा चीनला इशारा- कोणाचेही वर्चस्व मान्य नाही, संयुक्त निवेदनात म्हटले- आर्थिक स्थितीला शस्त्र बनवले, तर गंभीर परिणाम होतील|G7 warns China - No one's hegemony is acceptable, joint statement says - Weaponizing the economy will have dire consequences

G7चा चीनला इशारा- कोणाचेही वर्चस्व मान्य नाही, संयुक्त निवेदनात म्हटले- आर्थिक स्थितीला शस्त्र बनवले, तर गंभीर परिणाम होतील

वृत्तसंस्था

टोकियो : जगातील 7 विकसित अर्थव्यवस्थांची संघटना असलेल्या G7 ने संयुक्त निवेदनात चीनला कडक इशारा दिला आहे. संघटनेने चीनचे नाव न घेता जगातील कोणत्याही एका देशाचे आर्थिक वर्चस्व संपुष्टात आणण्याची शपथ घेतली. जपानमधील हिरोशिमा शहरात संघटनेच्या बैठकीच्या दुसऱ्या दिवशी संयुक्त निवेदन जारी करण्यात आले.G7 warns China – No one’s hegemony is acceptable, joint statement says – Weaponizing the economy will have dire consequences

G7 आणि त्यांच्या भागीदार देशांच्या आर्थिक परिस्थितीचा शस्त्रासारखा वापर केल्यास त्याचे परिणाम भोगावे लागतील, असे या निवेदनात म्हटले आहे. कोणत्याही एका देशाचे आर्थिक वर्चस्व रोखण्यासाठी आवश्यक ती पावले उचलली जातील. युक्रेनसोबतचे युद्ध संपवण्यासाठी रशियावर दबाव आणण्याचे आवाहन जी-7 देशांनी चीनला केले आहे.

सुईच्या टोकाइतकीही भारताची जमीन कोणी घेऊ शकत नाही – गृहमंत्री अमित शाहांचा चीनला इशारा!

G7चे युक्रेनला मदत करत राहण्याचे वचन

हिरोशिमामध्ये एकत्रितपणे, G7 देशांनी युक्रेनला मदत करत राहण्याचे आश्वासन दिले आहे. इथे अमेरिकेने इतर देशांकडून युक्रेनला F16 लढाऊ विमाने देण्यावर घातलेली बंदी उठवली आहे. यामुळे युक्रेनला त्यांचे हवाई संरक्षण मजबूत करण्यास मदत होईल.

पंतप्रधान नरेंद्र मोदीही परिषदेला उपस्थित

G7 शिखर परिषदेत भारताला पाहुणे म्हणून आमंत्रित करण्यात आले होते. त्यात सहभागी होण्यासाठी पंतप्रधान नरेंद्र मोदी शुक्रवारी संध्याकाळी जपानला पोहोचले. शनिवारी त्यांनी जागतिक नेत्यांसोबत G7 शिखर परिषदेला हजेरी लावली. त्याचबरोबर अनेक देशांच्या राष्ट्रप्रमुखांच्या स्वतंत्र बैठकाही झाल्या.

पंतप्रधानांनी बायडेन, सुनक आणि झेलेन्स्की यांची भेट घेतली

G7 शिखर परिषदेत पोहोचलेले पंतप्रधान नरेंद्र मोदी यांनी अमेरिकेचे राष्ट्राध्यक्ष, ब्रिटनचे पंतप्रधान ऋषी सुनक आणि युक्रेनचे राष्ट्राध्यक्ष व्लादिमीर झेलेन्स्की यांची भेट घेतली. याव्यतिरिक्त मोदींनी शिखर परिषदेचे आयोजन करणारे जपानचे पंतप्रधान फुमियो किशिदा, दक्षिण कोरियाचे अध्यक्ष यून सुक येओल, जर्मनीचे चांसलर ओलाफ स्कोल्झ आणि फ्रान्सचे अध्यक्ष इमॅन्युएल मॅक्रॉन यांचीही भेट घेतली.