ईशनिंदा केल्याप्रकरणी पाकिस्तानात फाशीची शिक्षा, कोर्टाने 12 लाखांचा दंडही ठोठावला, व्हॉट्सअॅप ग्रुपवर केला होता मेसेज|Death penalty in Pakistan for blasphemy, the court also imposed a fine of 12 lakhs, the message was sent on a WhatsApp group

ईशनिंदा केल्याप्रकरणी पाकिस्तानात फाशीची शिक्षा, कोर्टाने 12 लाखांचा दंडही ठोठावला, व्हॉट्सअॅप ग्रुपवर केला होता मेसेज

वृत्तसंस्था

इस्लामाबाद : पाकिस्तानमधील दहशतवादविरोधी न्यायालयाने एका मुस्लिम व्यक्तीला व्हॉट्सअॅप ग्रुपवर निंदनीय टिप्पण्या पोस्ट केल्याबद्दल फाशीची शिक्षा सुनावली आहे. न्यायालयाने दोषीला 12 लाख रुपये (1.2 मिलियन) दंडही ठोठावला. मुस्लिमबहुल पाकिस्तानमध्ये ईशनिंदा हा अत्यंत संवेदनशील मुद्दा आहे, ज्यामुळे हिंसाचार भडकू शकतो, असे न्यायालयाने म्हटले आहे.Death penalty in Pakistan for blasphemy, the court also imposed a fine of 12 lakhs, the message was sent on a WhatsApp group

दोषीला 12 लाखांचा दंडही

एएफपी या वृत्तसंस्थेने दिलेल्या माहितीनुसार, सय्यद मुहम्मद जीशानला शुक्रवारी पेशावरच्या न्यायालयाने इलेक्ट्रॉनिक गुन्हे प्रतिबंधक कायदा आणि दहशतवादविरोधी कायद्यांतर्गत दोषी ठरवले. सय्यद जकुल्ला यांचा मुलगा सय्यद मुहम्मद जीशान दोषी आढळल्याचे न्यायालयाने आपल्या आदेशात म्हटले आहे. त्याला फाशीची शिक्षा ठोठावण्यात आली असून 12 लाखांचा दंडही ठोठावण्यात आला आहे.

पाकिस्तानात महागाईने मोडले सर्व विक्रम, महागाई दर 46.65 टक्क्यांवर, 26 वस्तूंच्या किमतीत भरमसाठ वाढ

व्हॉट्सअॅप ग्रुपमध्ये ईशनिंदेशी संबंधित मजकूर पोस्ट केल्याचा आरोप

जीशानचे वकील इब्रार हुसैन यांनी सांगितले की, माझा क्लायंट पंजाब प्रांतातील तलगांग येथे राहतो. त्याने दोन वर्षांपूर्वी फेडरल इन्व्हेस्टिगेशन एजन्सीला अर्ज दिला होता, ज्यामध्ये झीशानवर एका व्हॉट्सअॅप ग्रुपमध्ये निंदनीय मजकूर पोस्ट केल्याचा आरोप केला होता. यानंतर एफआयएने झीशानचा फोनही जप्त केला होता. त्यानंतर त्याला एजन्सीने दोषी ठरवले.

आकडेवारीनुसार, गेल्या 20 वर्षांत 774 मुस्लिम आणि इतर अल्पसंख्याक धार्मिक गटांच्या 760 सदस्यांवर ईशनिंदा केल्याचा आरोप आहे. यातील बहुतांश घटनांमध्ये शत्रुत्वामुळे या कायद्याचा गैरवापर झाला आहे.